Jobo 39:27 - Baibo Busansulushi Bwa Libuku Ili

²⁷ Sa ndiwe ulwiita muumbankwashi ayi ooluke akuya mukuyakila ciinswa peculu lya tulundu peene?

Jobo 39:27 Referans Kwoze

Obadiya 1:4

Nabi muuluke akuya mwiculu abuumbi anga ngumumbankwashi, akuyakila ŋanda yanu pakati ka nyenyeenshi, nebo ndaakumuboosha panshi. Nebo neMwaami Lesa ndaamba.”

Jelemiya 49:16

“Nobene Edomu kulisumpula kwa myoyo yanu, kwamubeca. Boowa mbomulengesha bamwi, bwamucenjeeka mukwiinga mulekala mulilinga lya myaandami. Ee, mukwiinga mulekala peculu lya tulundu tulaamfu. Ono nabi mulekala peculu peene anga nciinswa ca mumbankwashi, nebo ndaakumuboosha panshi. Nebo neMwaami Lesa ndaamba.

Kulonga 19:4

“Mwakabona nshendakacita nebo neMwaami Lesa kubene Ijipiti, alimwi ambuli mbondakamunyamuna bweenka mbuli mumbankwashi mbwaanyamuna bana bakwe pamapapaminwa akwe akumuleta kokuno kuli ndime.

Osiya 8:1

Mwaami Lesa waamba ayi, “Amulishe mapeenga ankondo. Balwani besa mucishi cangu anga ngumumbankwashi ceebo bantu bangu bakapwaya cipangano alimwi baashukila milawo yangu.

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Tushimpi 23:5

Bubile nabi wabucana mbwa ciindi ciniibo. Ndushinisho bulaakuba amapapaminwa akuuluka anga ngumumbankwashi.

Kulumbaisha 103:5

Ngoompa shintu shibotu ayi nkute kwaamba ayi noocilinyumfwa anga ngumuumbankwashi.

Bene Lefi 11:13

“Bayuni mbomuteelete kulya mukwiinga tabasalalite kweelana aMilawo mbaaba, bamumbankwashi, makubi, bacuungwe,

Jobo 39:26

“Sa ndiwe wiisha cikupwi kuuluka ndyaayala mapapaminwa akwe kululama kumalenge?

Jobo 39:28

Ulekala peculu lya mabwe, ncakwiila nsonga sha mabwe ndyelilinga lyakwe.

Tushimpi 30:19

Shintu isho nkuuluka kwa nkwashi mwiculu, kweenda kwa nsoka pamwaandami, kweenda kwa bwaato palweenge amusankwa mbwaasuna mwanakashi.