Jobo 36:7 - Baibo Busansulushi Bwa Libuku Ili

⁷ Baluleme ulabalama ciindi coonse. Ulababika pashuuna sha bwaami akubasumpula ayi balemekwe kwalyoonse alyoonse.

Jobo 36:7 Referans Kwoze

Kulumbaisha 34:15

Mwaami Lesa ulalama baluleme alimwi ulakumbula mipailo yabo,

Kulumbaisha 33:18

Sombi meenso a Mwaami Lesa ali pabaabo bamulemeka, abo bacinkite manungo mulusuno lwakwe lutamaani.

1 Samwelo 2:8

Ulasumpula bakandu kuswabo kwiine kumiyanda, ulakusha bakandu kuswa mubuumba bwabo. Ulabalengesha kwikala mubwanabwankashi abanaabaami akubalengesha kuba mumisena ya bulemu. Lwiimbi loonse lwa nsengwe ndwa Mwaami Lesa, pali ndulo mpaakayaka cishi ca panshi.

2 Bene Tesalonika 3:3

Sombi Lesa ulashomeka, aboobo utoomuyumyayumya akumufuna kuswa kuMubiibi ulya.

Jobo 42:12

Mwaami Lesa wakapa Jobo coolwe cinene abuumbi munshiku shakwe shakweelaako kwiinda munshiku shitaanshi sha buumi bwakwe. Wakaba ambelele shili 14,000, ngamela shili 6,000, basune bali 2,000 alimwi ambongolo shili 1,000.

Esita 10:3

Modekayi muJuda wakapekwa cuuna cabili kumwaami Sakisesi. BaJudanyina bakamusuna akumulemeka ceebo wakalinga kubacitila shibotu akuletela bamulunyungu lwakwe boonse luumuno.

1 Pita 3:12

mukwiinga Mwaami Lesa ulalama baluleme alimwi ulakumbula mipailo yabo, sombi ulipatite bantu bacita bubi.”

Jobo 1:3

Jobo wakalinga kufubite mbelele shili 7,000, ngamela shili 3,000, shipani sha ŋombe shili 500, mbongolo shili 500 alimwi abasebenshi baanji. Wakalinga mubile abuumbi pabantu bamwi boonse ba kwicwe.

Sefaniya 3:17

Mwaami Lesa, Lesa wako uli awebo. Ulicite nkusu shakukufuna. Ulaakukondwa abuumbi muli ndiwe. Ulaakukuletela buumi bupya mulusuno lwakwe. Ulaakusangalala pali ndiwe mukwiimba nyimbo

Matalikilo 41:40

Ntookupa bweendeleshi bwa cishi cangu alimwi bantu boonse bananoonyumfwila nsheenga waamba. Nebo ndanookwiindaawobo ceebo ca cuuna ca bwaami nceendiiwo.

Matalikilo 23:6

“Amukutike kuli ndiswe nkambo, swebo tulamulanga ayi muli batanjilili beshinkusu shoonse. Amubike bakaanu mucuumbwe ciindaawo kubota pasheesho nshetucite. Uli woonse pakati kesu inga wakondwa kumupa cuumbwe kwaamba ayi mubikeemo bakaanu.”

2 Makani 16:9

Mwaami Lesa ulalama cishi coonse akupa nkusu kubaabo bashomeka kuli nguwe. Ono mwebo mwaciita cintu cabuluya, paceebo ceeco kuswa sunu munanoolwanabo lyoonse.”

Jobo 4:7

“Ono yeeya, ngani wakalobawo kale kaatacite mulandu? Nkuli bantu baluleme nkobakanyonyoolwaawo?

Jobo 5:11

Ncakwiila balibombya, ulabasumpula. Balila abalo ulaboomusha akubafukata.

Jobo 22:29

Lesa ulabombya balisumpula alimwi akupulusha balibombya.

Jobo 31:4

Lesa ulishibwene nshila shangu shoonse alimwi ulalangishisha nyendelo shangu shoonse.

Kulumbaisha 41:12

Ee, mulancafwa ceebo ndacita shiluleme alimwi mwakambika mubulemu bwanu ayi nookala mumo lyoonse alyoonse.

Isaya 22:23

Ndaakumushimpya pamusena wakwe anga nimpoopo yakapopwa cankusu. Ulaakulengesha bamuŋanda ya baishi kuba abulemu.

Kulumbaisha 33:16

Mwaami taapulushikwi ceebo cakufula kwa bashilumamba bakwe. Taaku shilumamba ukoma kwiinda munkusu shakwe shiinji.

Kulumbaisha 34:16

sombi ulipatite bantu bacita bubi kwaamba ayi kukabule ubeebaluka baakufwa pacishi ca panshi coonse.