Jobo 36:6 - Baibo Busansulushi Bwa Libuku Ili

⁶ Taaleki bamucita shibi ayi banoolibo boomi, sombi ulafuninina baabo balyatililwa.

Jobo 36:6 Referans Kwoze

Kulumbaisha 140:12

NoBaami baLesa, ndishi kwaamba ayi mulafuninina bakandu, akwiimikanina bataaku mbobabete ayi batanyengelelwi.

Jobo 5:15

Sombi Lesa ulafuna bakandu kuswa kubalwani babo alimwi ulabafuna kuswa kubantu beshinkusu.

2 Pita 2:9

Nkokwaamba ayi Mwaami Lesa ulishi bwakupulusha bantu baluleme kumasunko alimwi abwakulama bamucita shibi kwaamba ayi bakapekwe mulandu paBushiku bwakoomboloshekwa,

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Kulumbaisha 72:4

Mwaami wanu aakoomboloshe bakandu cakutanyengelela. Aakacafwe bataaku mbobabete, akupwayoola baabo babalyatilila.

Kulumbaisha 55:23

Sombi bantu abo basunishi kutila bulowa akubeca, mwebo nobaLesa mulaakubawaala mumusena wa bafu. Teshi bakamaane amusa wa nshiku shabo. Nakubi boobo nebo ndanoocinkite manungo muli ndimwe.

Kulumbaisha 9:12

Mukwiinga Lesa ulabona bapenga, Taasuuli kulila kwa bali mumapensho, alimwi ulapa mulandu abo bababishisha.

Jobo 21:30

Balaamba ayi pabushiku bwa bukali bwakwe Lesa mucita shibi ngoopulushikwa. Ee, ayi mucita shibi lakwe ngoofunwa mubushiku bwa bukali ubu.

Jobo 8:22

Sombi ulaakulensha nsoni abo bakupatite aalo maandaabo alaakumana kumwayuluka.”

Jobo 4:7

“Ono yeeya, ngani wakalobawo kale kaatacite mulandu? Nkuli bantu baluleme nkobakanyonyoolwaawo?

Jobo 34:26

Bamucita shibi ulabapa mulandu ceebo ca shibiibi shabo. Ndushinisho ulabapa mulandu bantu kababweneeko

Jobo 38:13

Sa wakaambilawo kale kumuyamaca ayi kumunikile cishi coonse ca panshi, ee, kwaamba ayi kutandaanye bamucita shibi mumisena umo mobayuba?

Kulumbaisha 140:13

Baluleme balaakulumbaisha liina lyanu, ee, bantu baluleme balakwiikala kunembo lyanu.