Jobo 36:11 - Baibo Busansulushi Bwa Libuku Ili

¹¹ Na banyumfwila Lesa akumusebensela, balaakwikala muluumuno akuswitilila mubuumi bwabo boonse.

Jobo 36:11 Referans Kwoze

Jelemiya 7:23

Sombi ndakabapa amulawo wakwaamba ayi kabanyumfwila ingaawo nkabe Lesa wabo abalo bakabe bantu bangu. Beende munshila shangu isho nshendakaambila kwaamba ayi shintu shinoobeendela kabotu.

Jelemiya 26:13

Ono amusandule nshila shanu amicito yanu akunyumfwila Mwaami Lesa, Lesa wanu. Lyalo Mwaami Lesa ndyeshi abule kumuletela mapensho ayo ngwaakaamba ayi ulaakumuletela.

Isaya 1:19

Na kamulibambite kunyumfwila, mulaakulya shintu shibotu sha mucishi cino.

Bene Ebulu 11:8

Ndushomo lwakalengesha ayi Abulaamu anyumfwile Lesa ndyaakalwiitwa kuya kucishi ico Lesa mwiine ncaakashomesha ayi ulaakumupa. Wakaswa mucishi cine mishaabo kaateshi ankwaakalinga kuya.

Dutolonomi 4:30

Mwaakuba mumapensho alimwi shoonse ishi shaakucitika, lyalo mulaakupilukila kuMwaami Lesa, Lesa wanu akumunyumfwila.

Jemusi 5:5

Pacishi ca panshi pano mwekala buumi bwakuliiba akulikondelesha. Mwalya mwaina kulibambila bushiku bwakucaikwa.

Ciyubululo 18:7

Mumupeenshe akumulensha nsoni abuumbi bweenka mbuli bulemu mbwaakalinga kulipa akutangala kwakwe. Mukwiinga mumoyo wakwe ulaamba ayi, ‘Nebo ndi mwaami mwanakashi, ndishiite pacuuna cangu! Nshiishi mukalubinje mwanakashi alimwi taaku bushiku mbweshi nkoongumane!’

Jobo 22:23

Sandukila kuli Shinkusu shoonse cakulibombya, akuleka kucita shintu shibiibi muŋanda yako.

Jobo 22:21

“Ono Jobo libombye, cileke kupikishanya aLesa, ingaawo shintu ndyeshi shikweendele kabotu.

Bene Loma 6:17

Ono tulyeelete kulumba Lesa ceebo pakutaanguna mwakalinga basha ba bubi. Ono bulya mulanyumfwila Lesa amyoyo yoonse kwiinda mukukonkela shalushinisho nshemwakeeishikwa.

Jobo 42:12

Mwaami Lesa wakapa Jobo coolwe cinene abuumbi munshiku shakwe shakweelaako kwiinda munshiku shitaanshi sha buumi bwakwe. Wakaba ambelele shili 14,000, ngamela shili 6,000, basune bali 2,000 alimwi ambongolo shili 1,000.

Jobo 21:11

Bana babo balacicacica akusekana anga mbana ba mbelele. Ee, bana babo baniininiini balashanashana palubansa.

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.

Jobo 21:13

Balekala cakuliiba alimwi balafwa muluumuno.

Kulumbaisha 16:11

Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi, ncakwiila kusangalala kutamaani muliimfwa lyanu.

Kulumbaisha 149:4

Ceebo Mwaami Lesa ulakondwa mubantu bakwe, ulalemeka baliceesha mukubapa nkusu shakukoma.

2 Makani 33:13

Lyalo Mwaami Lesa wakanyumfwa kusenga kwakwe Manase akumuleka ayi aboolele kuJelusalemu kuya mukulela alimwi. Ici cakabonesha mwaami Manase ayi Mwaami Lesa nguLesa wancinencine.

Kulumbaisha 119:3

Bantu abo tababishi, sombi baleendabo munshila sha Mwaami Lesa.

Tushimpi 1:33

Sombi abo boonse banyumfwila ndime, balekala kwakubula cakulisukama. Balekala muluumuno kwakubula cakuloonda nabi comwi.”