Jobo 34:7 - Baibo Busansulushi Bwa Libuku Ili

⁷ “Ngani wakabonawo kale muntu uli anga nguJobo? Ncakwiila Jobo taalemeki Lesa napaceyi.

Jobo 34:7 Referans Kwoze

Jobo 15:16

ino mbuyani kumuntu ulensha nsoni alimwi shikubisha? Ndushinisho kumuntu kubisha kulibo anga nkunwa maanshi!

Tushimpi 1:22

Butokwaamba ayi, “Ino mwebo nobaluya, anu mulaakucileka lili kwikala mubuluya bwanu? Anu mwebo nobeshikucelebula mulaakucileka lili kusangalalila mukucelebula kwanu? Anu nobaluya mulaakucileka lili kusuula lushibo?

Dutolonomi 29:19

Anu kutabi muntu nabi womwi pabushiku bwasunu utoonyumfwa maswi aya, pesule alyuume pacaamba akwaamba ayi taaku ceenga cacitika nabi kaacita kuyanda kwakwe mwiine. Ici inga canyonyoola ndimwe noonse, baluleme alimwi abataluleme.

Tushimpi 4:17

Balo kucita shibiibi cilibo anga nkulya shinkwa akwalo kucita shintu shalunkutwe kulibo anga nkunwa waini.

Jobo 12:4

Anu ono ndababo shikusekwa akubeensuma boonse nakubi kwaamba ayi ndi muntu ululeme utacite kampenda. Nebo ndakalinga kusenga kuli Lesa alakwe wakalinga kunkumbula.

Tushimpi 19:28

Kamboni mubiibi ulacobola koombolosha kululeme. Mulomo wa mucita shibi ulamina bubi.

Jobo 11:3

Webo Jobo, sa kwaamba shifwite kulacala milomo bamwi? Sa unanoocitekobo kutucelebula cakutakukumbula?

Jobo 36:17

Sombi cino ciindi wapekwa mulandu weelete bamucita shibi. Koombolosha kululeme kwaselukila pali ndiwe.