Jobo 33:5 - Baibo Busansulushi Bwa Libuku Ili

⁵ “Nkumbule tunyumfwe, na inga wacikonsha. Ncakwiila bulya libambile kumpikisha.

Jobo 33:5 Referans Kwoze

Milimo ya Batumwi 10:26

Sombi Pita wakamukasha kufukama. Wakamwaambila ayi, “Nyamuka, anebo ndimuntu bweenka mbuli ndiwe.”

Kulumbaisha 50:21

Ishi shintu ndalinga kunoomweebelabo kamushicita. Mwebo mwalinga kuyeeya ayi ndi anga ndimwe. Ono sunu ntoomukalalila akutula mulandu wanu patuba kunembo lyanu.

Jobo 32:14

Jobo walinga kwaamba kuli ndimwe kuteshi kuli ndime, sobwe. Nakubi boobo nebo inga nshikumbuli mbuli mbomwalinga kumukumbula, tau.

Jobo 32:12

“Ndamukutika kabotu kabotu, sombi ndabona kwaamba ayi noonse mwaalilwa. Taaku nabi womwi pakati kanu watondesha ayi shitokwaamba Jobo nshakubeca.

Jobo 32:1

Mpeeke babye abo botatwe bakacileka kukumbula Jobo ceebo lakwe mwiine wakalinga kulibona ayi uliluleme.

Jobo 13:18

Ono ndilibambite kwaamba cikani cangu ceebo ndishi kwaamba ayi nshicite mulandu.

Kulonga 8:20

Lyalo Mwaami Lesa wakaambila Mose ayi, “Ciilo macuunsacuunsa, ukaye mukukumana amwaami paciindi ncaaitamo kumulonga akumulwiita ayi Mwaami Lesa waamba ayi, ‘Leka bantu bangu baye, kwaamba ayi bakanambile.