Jobo 32:21 - Baibo Busansulushi Bwa Libuku Ili

²¹ Taaku ngoontoosalulula pakati kanu nabi kulumbaisha umwi uli woonse cakubeca.

Jobo 32:21 Referans Kwoze

Bene Lefi 19:15

“Mulyeelete kushomeka akululika pakoombolosha. Mutabi akasalulushi kubantu bakandu nabi kuloonda babile.

Mateyo 22:16

Lyalo bakatuma bashikwiiya babo abantu bamwi bakwe Elodi kuli Jesu mukumwiipusha ayi, “Bafundishi, tulishi kwaamba ayi mwebo mulashomeka alimwi muleeisha maswi akwe Lesa calushinisho, bweenka mbuli mbwaabete. Tamulisukami amiyeeyo ya muntu mukwiinga tamusalululi.

Jobo 34:19

Lesa taafuninini banaabaami, nabi kufuninina babile akulyatilila bakandu ceebo boonse ngowakabalenga amaansaakwe.

Jobo 13:8

Sa mutootondesha kasalulushi kuli nguwe? Sa mutokwiimikaninako Lesa mulandu wakwe?

Tushimpi 24:23

Utu ntushimpi atumwi twa basongo, Ncibiibi kuba akasalulushi pakoombolosha.

Jobo 13:10

Ncakwiila ulakonsha kumukalalila, na mwacanikwa ayi mubushishi kuli mbomucitila kasalulushi.

2 Samwelo 14:20

Nakubi boobo Joabu ncaacitila bobulya nkwaamba ayi shintu shilulame. Mwebo nkambo busongo mbomucite bulibo anga mbwa munjelo alimwi mulishi shoonse shicitika mucishi cino.”

2 Samwelo 14:17

Ono nemusebenshi wanu ntokwaamba ayi, ‘Maswi anu nobaami aabe aayo eshi ankalike moyo, mukwiinga nkambo nobaami mulibo anga ngumunjelo wakwe Lesa mukwishiba cibotu acibiibi. Mwaami Lesa, Lesa wanu abe amwebo’ ”

Dutolonomi 16:19

Tabeelete kutakonkela makani nabi kuba akasalulushi mukoombolosha kwabo, sobwe. Tabeelete kutambula makulo, mukwiinga makulo alalengesha buluya kubasongo boonse akusendeka maswi a baluleme.

Dutolonomi 1:17

Mutabi akasalulushi mukoombolosha kwanu. Bantu boonse, ulemekwa nabi utalemekwi, muboomboloshe mushobo womwi. Mutaloondi muntu nabi womwi, ceebo boomboloshi bwanu bulaswa kuli Lesa. Na kwaba mulandu weenga wayuma kuli ndimwe, inga mwauleta kuli ndime ndawoombolosha.’

Jobo 32:20

Ndaalilwa kulicata, ndyeelete kwaamba ceebo na ŋambe ndyeshi njoye.

Jobo 32:22

Nebo nshicishiiwo kulumbaisha muntu cakubeca. Na ndacita boobo, Mulengi wangu inga wampa mulandu cakufwambaana.

Jobo 33:3

Maswi angu alaswa mumoyo ululeme. Mulomo wangu awalo ulaamba shalushinisho.

Kulumbaisha 82:2

“Ino mulaakucileka lili kwiimikanina bataluleme akufuninina bantu babiibi?

Tushimpi 28:23

Uyo ukalalila mubye ulaakusunwa kumeelelesho, kwiinda muntu ubonesha lusuno lwakubeca.

Malaki 2:9

Aboobo, ndalengesha kwaamba ayi bantu boonse banoomunyansha akumuceesha mukwiinga tamukwe kukonkela kuyanda kwangu alimwi mukwiisha kwanu mulasalulula.”