Jobo 31:3 - Baibo Busansulushi Bwa Libuku Ili

³ Sa bantu bataluleme tababoniiwo malwesa? Sa bamucita shibi tababoniiwo mapensho?

Jobo 31:3 Referans Kwoze

Jobo 21:30

Balaamba ayi pabushiku bwa bukali bwakwe Lesa mucita shibi ngoopulushikwa. Ee, ayi mucita shibi lakwe ngoofunwa mubushiku bwa bukali ubu.

Jobo 34:22

Taakuuwo munshinshe nabi musena ushiya mbi uko bamucita shibi nkweenga bayubila Lesa.

Judi 1:7

Amwiibaluke andabala ya Sodoma aGomola amandabala akalinga pafwaafwi. Bantu ba mumandabala aya abalo bakatalika kucita bufuule alimwi akucitana shintu shilensha nsoni. Lesa wakabapa mulandu wa mulilo utamaani kwaamba ayi cibe citondesho kubantu boonse.

2 Pita 2:1

Kwakalinga balaluki babeshi pakati ka bene Isilaeli, alimwi mbweekoobo apakati kanu palaakuba bafundishi babeshi. Cabushishi, balaakuleta njiisho shifulungene alimwi shinyonyoola, akukaka Mwaami wabo wakabalubula. Mukucita boobo, balaakuliletela kunyonyoolwa kwalubilo.

2 Bene Tesalonika 1:9

Mulandu wabo ulaakuba kunyonyooka kutamaani. Balaakupansanishikwa kuMwaami wesu Jesu alimwi abulemu bwa nkusu shakwe.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Bene Loma 9:22

Mbweeke ubo Lesa mbwaakacita. Wakalinga kusuni kubatondesha bukali bwakwe kwaamba ayi bantu beshibe nkusu shakwe. Nakubi boobo wakanyumfwila nkumbu akulekelela baabo boonse mbwaakalinga kusuni kupa mulandu, abo bakalinga kweelete kunyonyoolwa.

Mateyo 7:13

“Amwinjilile pamulyango ushaankene ceebo mulyango utola mukunyonyoolwa ngunene, ayalo nshila taishuupi. Paceebo ceeco abo bainda nshila iyi mbaanji.

Isaya 28:21

Ono Mwaami Lesa ulaakunyamuka bweenka mbwaakacita paKalundu ka Pelasimu. Ulaakukalala bweenka mbwaakacita muCinyika ca kuGibyoni. Ulaakucita mulimo wakwe nabi cikaboneke ayi nceensu. Mulimo wakwe ulaakuumanisha, ee, mulimo wakwe uyo wabushishi.

Tushimpi 21:15

Na koombolosha kululeme kwabaawo, baluleme balasangalala, sombi cilalengesha bamucita shibi kuloonda abuumbi.

Tushimpi 10:29

Mwaami Lesa ngoofuna baluleme, sombi bamucita shibi ulabanyonyoola.

Tushimpi 1:27

Nkokwaamba ayi shilensha boowa shaakumupolela anga ncipuupu, ee, mapensho aakumupyanga anga nkapupuulwa, ncakwiila mwaakulimbwa mapensho amakatasho.

Kulumbaisha 73:18

Ncakwiila bamucita shibi mwebo mulaakubatola pabuteshi. Mulaakubawisha kushikila balo bakanyonyooke.

Kulumbaisha 55:23

Sombi bantu abo basunishi kutila bulowa akubeca, mwebo nobaLesa mulaakubawaala mumusena wa bafu. Teshi bakamaane amusa wa nshiku shabo. Nakubi boobo nebo ndanoocinkite manungo muli ndimwe.

Shakubelenga 16:30

Sombi na Mwaami Lesa acite cintu cimwi citana kunyumfwikaawo, inshi iyi ilakame akubamina pantu pomwi ashintu shabo shoonse alimwi baye kabalasha pacishi ca bafu, ingayi mulaakwishiba ayi bantu aba bakanyansha Mwaami Lesa.”

Jobo 18:12

Wakalinga mubile ono utoofwabo nsala. Kunyonyooka kulibo muliimfwa lyakwe.

Jobo 20:29

Shamushobo uyu Lesa nshaapa kubamucita shibi. Ncakwiila ici ncecipansha Lesa ncaabila bataluleme.”

Jobo 21:17

“Sombi ngamankanda ongaye lilampi lya buumi bwabo ndyelishimishikwa? Ino ngamankanda ongaye mapensho ndyeesa pali mbabo? Mankanda ongaye Lesa ngaakabapa mulandu mubukali bwakwe?

Jobo 31:23

Ceebo Lesa ndamuloonda abuumbi, inga nshicicitiwo ca mushobo uyo.

Boomboloshi 9:53

Sombi mwanakashi umwi wakamuloshela libwe lyakupelelaawo pamutwi wakwe akupwaya katuutu.

2 Samwelo 18:10

Lyalo umwi musankwa ndyaakabona boobo, wakaya walwiita Joabu ayi, “Abusalomu ndamubona utoolelela kucisamu ca mubanga.”