Jobo 3:5 - Baibo Busansulushi Bwa Libuku Ili

⁵ Amubulengeshe kuba bushiku bwa munshinshe ushiya mbi. Mubufwekeleshe amakumbi alemu. Ncakwiila akubule mumuni.

Jobo 3:5 Referans Kwoze

Kulumbaisha 23:4

Nakubi kwaamba ayi ndeenda mumunshinshe ushiya mbi, teshi nkaloondeewo mukwiinga mwebo noBaami baLesa muli anebo. Ncakwiila musako wanu wa bweembeshi ankooli yanu shilankalika moyo.

Jelemiya 13:16

Amulemeke Mwaami Lesa, Lesa wanu ndyaatana kuleta munshinshe ee, kamutana kutalika kulisuntula patulundu pataapu mumuni. Mwebo mutoolangila mumuni, sombi lakwe ulaakumuletela munshinshe ushiya mbi.

Isaya 9:2

Bantu bakalinga kweenda mumunshinshe, babona mumuni unene. Ee, abo bali mumunshinshe ushiya mbi uyoosha, mumuni wabamunikila.

Jobo 28:3

Bantu balanyamuna mimuni kuya mumunshinshe. Balayandoola mabwe kuunshi lya bulongo kwiine akuya mukwaakaba kwiine kushiya mbi.

Luka 1:79

Ulaakumunikila baabo bashiite mumunshinshe amucimfule ca lufu, akututanjilila munshila ya luumuno.”

Mateyo 4:16

Bantu bakalinga kwikala mumunshinshe bakabona mumuni unene. Abalo abo bakalinga kwikala mucishi ca cimfule ca lufu, mumuni ulaakubamunikila.”

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Jobo 38:17

Sa kuli wakakutondeshawo kale minjililo ya musena wa bafu? Sa mwakabonawo kale milyango ya musena wa munshinshe?

Jobo 24:17

Na kwashiya balo ndyebuca, tabaloondiiwo ashiyoosha mumunshinshe.

Bene Ebulu 12:18

Mwebo tamuna kushika, mbuli bwakashika bene Isilaeli, kucintu nceenga bakumya mbuli kuKalundu ka Sinayi uko kwakalinga kunyaka mulilo, munshinshe unene, cipuupu,

Amosi 8:10

Ndaakusandula nshiku shanu shakusekelela kuba shakulila. Ndaakusandula kwiimba kwanu kuba kulila. Ndaakulengesha ayi mukafwale masaka akucesa munkunyu mumitwi yanu. Kulila kwanu kulaakuba anga nkulila kwa bashali ba mwaana womwibo. Meelelesho a nkuko alaakuba anga mbushiku bwa mapensho.”

Amosi 5:8

Mwaami Lesa ngowakalenga nyenyeenshi shiitwa ayi Puleiyadesi alimwi aOlyoni. Ulasandula mashiku kuba malumwi alimwi ulasandula malumwi kuba mashiku. Uleeta maanshi a mulweenge akwaaloshesha pacishi ca panshi. Liina lyakwe nguMwaami Lesa.

Jowelo 2:2

Bushiku ubo mbwa munshinshe alimwi mbwa buumba, bushiku bushiya mbi alimwi bwa makumbi alemu. Bweenka makumbi mbwaafwekelesha cishi kuswa kwicwe, mbweeke ubo cisoshi cinene citoosa pacishi. Cisoshi ico tacikwe kubonekaawo kale kuswabo kukalekale alimwi teshi cikabonekeewo tubili munshiku shitoosa.

Esekelo 34:12

Bweenka mbuli mweembeshi mbwaalangoola mbelele shakwe na shapalangana, mbweeke ubo anebo mbweshi nkalangoole mbelele shangu. Ndaakushifuna kuswa mumisena yoonse moshakalinga shapalanganina bushiku buyoosha bwa munshinshe ushiya mbi.

Esekelo 30:3

Bushiku bwashikila, ee, bushiku bwa Mwaami Lesa buli pafwaafwi, mbushiku bwa makumbi amapensho kumishobo yoonse.

Jelemiya 4:28

Aboobo cishi cilaakulila, alyalo liculu lilaakushiya. Ndakaamba kale, teshi nkaboole pesule. Ici ndakacaamba kale, teshi nkabooshemo moyo, sobwe.”

Kulumbaisha 107:14

Wakabakusha mumunshinshe ushiya mbi. Ee, wakasutoola ncetani shabo.

Kulumbaisha 107:10

Bamwi bakalinga kwikala mumunshinshe ushiya mbi. Abo mbakaili bakalinga kupenga kabaangitwe ncetani

Kulumbaisha 44:19

Nakubi boobo mwatushiya pakati ka baumpe kwakubula ashikutucafwa, kutushiya sweenka mumunshinshe ushiya mbi.

Jobo 16:16

Ciwa cangu casalala kukulila. Meenso angu aalo alishimbite cakucalika.

Dutolonomi 4:11

“Mukabaambile mbuli mbomwakaya mukwiimikana munshaaKalundu ako kakalinga kufweketwe amakumbi ashiya mbi, alimwi amulilo kaubilima abuumbi cakushika mwiculu mwiine.

Jobo 3:4

NobaLesa, amusandule bushiku ubo kuba munshinshe, mutakabwiibalukiwo tubili alimwi mutasuminishi mumuni kuba pali mbubo.

Jobo 3:6

Mashiku ayo akafwekeleshekwe amunshinshe ulemu. Mutabuleeki ayi bubelengelwe kumwi anshiiku sha mumwaaka, nabi kubelengelwa kumwi anshiiku sha mumyeenshi.

Jobo 34:22

Taakuuwo munshinshe nabi musena ushiya mbi uko bamucita shibi nkweenga bayubila Lesa.