Jobo 3:14 - Baibo Busansulushi Bwa Libuku Ili

¹⁴ pantu pomwi abamaami alimwi abeshikubapandako maano abo bakaliyakila maanda a bwaami ayo bulya akaba matongo.

Jobo 3:14 Referans Kwoze

Jobo 15:28

ulaakunookala mumandabala akanyonyoolwa mumaanda a baabo bakacica akuloboka. Aalo maanda ayo alaakunyonyoolwa munkondo.

Esekelo 26:20

Ndaakukutuma kumusena wa bafu kuya mukuba pantu pomwi abaabo bakafwa kalekale. Ndaakukulengesha kuya mukwikala kunshi lya cishi mumatongo akulukulu mukusenkana abafu. Aboobo bantu teshi bakekale tubili muli ndiwe nabi webo kuboola mucishi ca bantu boomi.

Isaya 58:12

Bantu banu balaakuyakulula shoonse shikulukulu shakalinga kupwayookite. Ncakwiila kuyakulula matongo palwiimbi lweenka lukulukulu. Mulaakunokwiitwa ayi beshikuyakulula mumbu shakakulooka, mikwakwa alimwi amaanda shakanyonyoolwa.”

Isaya 5:8

Mapensho kuli baabo batoonungilako maanda kumaandaabo akunungilako myuunda kumyuunda yabo. Ee, cakwaamba ayi musena woonse wamana, mpeeke mukekale nweenka mucishi umo.

Shikushimikila 8:8

Taaku muntu ucite nkusu shakwiimika muuwo. Mbweeke ubo taaku muntu ucite nkusu shakukasha lufu lwakwe. Bweenka shilumamba mbwaatakonshi kutandwa muciindi ca nkondo, mbweeke ubo bubi teshi bukafuune baabo babucita.

Kulumbaisha 89:48

Ino ngani weenga wabula kufwa? Ino ngani weenga walifuna kuya mucuumbwe?

Kulumbaisha 49:14

Balibambitwe kuya kumusena wa bafu bweenka mbuli mbelele. Lufu ndoluya ceembela bantu abo. Baluleme balaakubeendelesha macuunsa. Mibili yabo yaakunoobola cakufwambaana mumusena wa bafu kulaale amaandaabo abotu.

Jobo 30:23

Ndeshiba kale ayi mutoontola kulufu. Ndushinisho mutoontola kuya bantu boonse.

Jobo 12:17

Ulanyaya beshikupanda maano busongo, abalo boomboloshi ulabalengesha kuba baluya.

1 Baami 11:43

Wakafwa akubikwa muNdabala yakwe Defedi, lyalo Leoboamu mwanaakwe musankwa ngowakapyana bwaami bwakwe.

1 Baami 2:10

Defedi wakafwa akubikwa mundabala inene ya Jelusalemu.

Jobo 12:18

Ulaakusha bamaami pabwaami bwabo alimwi akubalengesha kuba basha.

Isaya 14:18

“Bamaami bamwi ba mishobo imwi yoonse boonekwa mushuumbwe, ee, womwi awomwi ulicite cuumbwe cakwe.

Isaya 22:16

‘Anu utoocitanshi kuno? Ngani wakusuminisha kulipangila cuumbwe kuno? Ngani wakusuminisha kulibesela cuumbwe pakalundu aka? Ee, kulibesela mumwaandami kuno?