Jobo 29:12 - Baibo Busansulushi Bwa Libuku Ili

¹² ceebo ndakalinga kufuna bakandu abo bakalinga kusenga lucafwo alimwi ndakalinga kucafwa bana banshiwa batakalinga kucite shikubacafwa.

Jobo 29:12 Referans Kwoze

Kulumbaisha 72:12

Ceebo ulafuna bakandu na bamulilila, abalyatililwa abo batacite shikubacafwa.

Tushimpi 21:13

Na muntu wacala matwi akwe ayi atanyumfwi kulila kwa mukandu, alakwe aakulila lucafwo, taaku beshi bakamukumbule.

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.

Kulumbaisha 68:5

Ngumushali ulama bana banshiwa alimwi wiimikanina bamukalubinje. NguLesa uyo ukala mumusena wakwe usalalite.

Dutolonomi 10:18

Ulabikaako maano kubamucaala akubamukalubinje kubona kwaamba ayi tabatoonyengelelwa. Baswamashi bekala pakati kesu ulibasuni alimwi ulabapa shakulya ashakufwala.

Jelemiya 22:16

Lakwe wakalinga kwiimikanina bapenshi abakandu mumilandu. Aboobo shintu shoonse shakalinga kumweendela kabotu. Sa te kucita boobo mbocaamba kwishiba ndime? Nebo neMwaami Lesa ndaamba.

Jobo 31:21

“Na ndakanyamuna lyaansa lyangu kubekesha mulandu mwanaanshiwa mukwishiba kwaamba ayi inga ndamukoma munkuta,

Jobo 31:17

nabi kunoolyabo shilyo neenka akuleka bana banshiwa koona nsala.

Jobo 24:4

Balashindika bakandu ayi baswe mumikwakwa. Ico cilabalengesha kuya mukuyuba nabi kabatasuni.

Jobo 24:9

“Bamucita shibi balakusha bakateta batacite baishi kunkolo akubatola ceebo ca nkongole shitana kulipilwa.

Jobo 34:28

Bakalengesha bakandu kulilila Lesa alakwe wakanyumfwa kulila lucafwo kwabo.

Kulumbaisha 88:4

Nebo ndi anga mbamwi boonse bali pafwaafwi kufwa, ndaba anga ngumuntu utacite nkusu.

Tushimpi 31:8

“Koimikanina baabo batakoonshi kuliimikanina. Koambililako bakandu abo batacite beshikubacafwa pasheesho nshebeelete.

Jobo 30:25

Sa nshindakalinga kulililako bakandu? Sa nshindakalinga kuungumana ceebo ca babo bali mumapensho?

Jobo 31:18

Sombi ndakalinga kubalama mbuli ishiwabo kuswabo kubunyamata bwangu akucafwa bamukalubinje kwabuumi bwangu boonse.