Jobo 28:13 - Baibo Busansulushi Bwa Libuku Ili

¹³ Busongo tabucanikwi kubantu alimwi taaku ukonsha kwishiba makwebo a mbubo.

Jobo 28:13 Referans Kwoze

Isaya 53:8

Bakamutola mukucaya kwiinda mukumulyatilila alimwi amukutamoombolosha cabululami. Taaku muntu eshi akaambe shalunyungu lwakwe mucishi, mukwiinga buumi bwakwe panonsengwe bwamanishikwa. Ee, nceebo cakusotoka milawo kwa bene misheesu kwakalengesha ayi oomwe.

Tushimpi 23:23

Lushinisho, busongo, kulilemeka amaano akunyumfwisha shintu nshamakwebo abuumbi alimwi shilyeelete kuulwa, sombi tasheelete kuulishikwa.

Tushimpi 16:16

Kuba abusongo ncintu cibotu abuumbi kwiinda kuba agolodi. Ncintu cibotu kuba amaano akunyumfwisha shintu kwiinda kuba asilifa.

Tushimpi 8:11

“Nebo nebusongo nsheeleneewo amabwe amakwebo eetwa ayi lubi. Taakuuwo nabi comwi nceenga wasunisha ceenga ceenda ndime.

Kulumbaisha 119:72

Mulawo ngomwakampa ngubotu kwiinda kupekwa shuulu sha golodi asilifa.

Kulumbaisha 52:5

Paceebo ceeco, Lesa ulaakunyonyweetabo limwi. Ulaakukucata akukukusha muŋanda yako. Ncakwiila ulaakukunonkolaamo mucishi ca boomi.

Kulumbaisha 19:10

Kulayandika kwiinda golodi, ncakwiila golodi wiine wiine. Kulicite mise kwiinda buuci, ee, kwiinda mulolo uswa kumpuma.

Isaya 38:11

Ndakalinga kuyeeya ayi bulya nebo taaku kubonanaawo aMwaami Lesa, ee, kubonanaawo anguwe mucishi cino ca boomi. Abalo bantu bacili boomi nebo taaku kubonanaabo tubili nabi kwikala pakati kabo mucishi cino.

Jobo 28:14

Maanshi alaamfu atokwaamba ayi, ‘Tabubete muli ndiswe, sobwe.’ Lweenge lutokwaamba ayi, ‘Tabubete muli ndiswe, sobwe.’

Kulumbaisha 27:13

Ndishinishite kwaamba ayi ndaakubona bubotu bwa Mwaami Lesa mumusena wa boomi.

Jelemiya 11:19

Ndakalingabo anga ngumwanaambelele mubombu utootolwa mukucaikwa. Nshindakalinga kwishiiwo ayi batoopinga kuncaya. Bakalinga kwaamba ayi, “Atunyonyoole cisamu ashisepo sha ncico. Atumukushe mucishi ca bantu boomi kwaamba ayi liina lyakwe litakayeeyekwiwo tubili.”

Esekelo 32:24

“Ilamu alakwe nkwaabete ashuumbwe sha bashilumamba bakwe shilishingulukite cuumbwe cakwe. Boonse abo bakacailwa munkondo. Boonse bakalinga kuloondesha bamwi mucishi ca boomi bakaya cakubula kupalulwa mumusena wa bafu. Bulya balifwite munsoni shabo beene.