Jobo 26:14 - Baibo Busansulushi Bwa Libuku Ili

¹⁴ Sombi iyi njimilimo yakwe ya peculubo. Muli njiyo, swebo tulanyumfwabo kutepeta kwakwe. Anu ngani weenga weshiba mankalunkalu atondesha nkusu shakwe?”

Jobo 26:14 Referans Kwoze

Kulumbaisha 145:3

Mwaami Lesa ulicindeme abuumbi, aboobo ulyeelete kulemekwa camaansa obilo. Ndushinisho taaku ukonsha kwishiba bulemu bwakwe nkobweela.

Kulumbaisha 139:6

Lushibo lwanu pali ndime lwanyinda ciimo. Ncakwiila nshikoonshi kunyumfwisha lushibo lwa mushobo uyo.

Bene Loma 11:33

Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.

Kulumbaisha 29:3

Liswi lya Mwaami Lesa lilanyumfwika pamaanshi, ncakwiila Mwaami Lesa shibulemu ulaluluma, ulaluluma peculu lya maanshi ayoosha.

Jobo 40:9

Sa webo inga weelana andime nkusu? Sa liswi lyako lilakonsha kukalooka bweenka mbuli lyangu?

Jobo 36:29

Taakuuwo muntu nabi womwi wishi ceensha makumbi, na kululuma kwa mfula mwiculu umo mwikala Lesa.

Jobo 4:12

“Mubushishi ndakanyumfwa liswi. Matwi angu akanyumfwa kutepeta kwa ndilyo.

1 Samwelo 2:10

Balwani ba Mwaami Lesa balaakunyonyoolwa, ulaakubakalalila mbuli cilulumo ca mfula kuswa kwiculu, Mwaami Lesa ulaakoombolosha cishi ca panshi coonse. Ulaakupa nkusu mwaami ngwaakasala, mwaami uyo ulaakumulengesha kukoma.”

Jobo 37:4

Pesule ndikunyumfwika kululuma kwa liswi lyakwe akukalooka kwa liswi lyakwe licite bulemu. Muciindi ncemunya ico kubeka kulatolelela.

Jobo 37:5

Ndushinisho Lesa ulaluluma aliswi liyoosha akucita shintu shinene abuumbi isho nshetwaalilwa kunyumfwisha.

Jobo 42:5

Ndakalinga kunyumfwabo shapali ndimwe, sombi sunu ndalibonena ameenso angu nemwiine.

Abakuku 3:4

Bulemu bwakwe bwakalinga anga ndisuba litooswa. Mibengebenge yakaswa mumaansaakwe umo mwaakashisa nkusu shakwe.

Shikushimikila 11:5

Bweenka mbomuteshi nshila ya muuwo alimwi bweenka mbomuteshi mubili mboopangwa mumala, mbweeke ubo tamukoonshi kwishiba mulimo wakwe Lesa, Mulengi wa shintu shoonse.