Jobo 24:23 - Baibo Busansulushi Bwa Libuku Ili

²³ Ulamulekabo ayi ekala cakuliiba, sombi nshila shakwe shoonse ulishibwene.

Jobo 24:23 Referans Kwoze

Tushimpi 15:3

Meenso a Mwaami Lesa alabona poonse poonse, ee, alabona boonsebo bacita shibiibi abacita shibotu.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Luka 12:45

Ono na musebenshi uyo waamba mumoyo wakwe ayi, ‘Mwaami wangu wacelwa kwisa,’ lyalo watalika kuuma basebenshinyina basankwa abanakashi alimwi akutalika kulya, kunwa akukolwa.

Abakuku 1:13

Meenso anu alisalalite abuumbi cakunoolangabo bubi kabucitika. Tamukoonshi kusuminisha ayi shitaluleme shinoocitikabo. Ino ono ceebonshi mutokweebelabo bamucita shibi aba batashomeki? Ino ceebonshi mulyuumwitebo bamucita shibi kabanyonyoola cakumaninina bantu baluleme kwiinda mbabo?

Amosi 9:2

Nabi bakakaabe panshi kushika kumusena wa bafu, lyaansa lyangu lilaakubakushaako uko. Nabi bakataante kushika kwiculu, nebo ndaakubaselushaako.

Amosi 8:7

Mwaami Lesa, Lesa wa bene Isilaeli washomesha cakulumbila ayi, “Taaku nabi comwi ncebakacita nceshi nkalubeeko.

Isaya 56:12

Bacakolwa abo balaamba ayi, ‘Katiya tubweseewo bwalwa abumwi! Atubunwe boonse ubu kushikila tubumaane! Bushiku bwacilo bulaakubota bweenka mbuli bwasunu bunene bunene akwiindaawo.’ ”

Shikushimikila 8:11

Na beshimilandu bacelwa kupekwa milandu, bantu baanji balatalika kuyeeya kucita shintu shibiibi.

Shikushimikila 5:8

Na waboona muntu mupenshi kaalyatililwa mucishi akumulita masuku pamutwi mushintu shoonse, utakankamani. Ceebo wacinenenene womwi uleendeleshekwa kuumwi umwiindaawo alimwi boonse bobilo aba kuli bacinenenene babeendelesha.

Tushimpi 5:21

Mwaami Lesa lakwe ulabona shoonse shicita muntu. Nshila shakwe shoonse lakwe ulishibwene.

Jobo 12:6

Bapambi abantu bamwi bakalasha Lesa balekalabo muluumuno. Sombi balo mbantu bacinka manungo munkusu shabo beene ayi ngolesa wabo.

Jobo 11:11

Bantu babeca, ndushinisho Lesa lakwe ulibeshi. Ee, shibiibi nshebacita ulashibona akushilabilila.

Jobo 10:4

Sa mulicite meenso mbuli a muntu? Sa mulabona shintu mbuli mbotushibona?

Jobo 31:4

Lesa ulishibwene nshila shangu shoonse alimwi ulalangishisha nyendelo shangu shoonse.

Jobo 34:21

“Meenso akwe alabona nshila sha muntu shoonse. Ndushinisho lakwe ulabona moonse mobalyata.

Kulumbaisha 119:168

Ndakonkela milasho yanu akwiisha kwanu, ceebo ndimwe mwishi nshila shangu shoonse.

Kulumbaisha 10:5

Sombi balo balaswitilila mushintu shoonse. Aboobo milawo yakwe Lesa ili kulaale ambabo. Paceebo ceeco balwani babo boonse balababonabo anga ngukabwa wamucila.