Jobo 24:20 - Baibo Busansulushi Bwa Libuku Ili

²⁰ Abalo banyina balamulubaako. Mapila aalo alamulya cakutamushiyaako. Ulanyonyoolwabo bweenka bunyonyoolwa cisamu cawa.

Jobo 24:20 Referans Kwoze

Tushimpi 10:7

Bantu baluleme balayeeyekwa anga ncoolwe, sombi lakwe mucita shibi ulaakufwambaana kulubwa.

Danyelo 4:14

Shinkombe uyo wakoolobesha ayi, ‘Amutimbule cisamu ico, amusaboole misampi ya ncinco, amucipulule matewu akusoweela shisepo sha ncico. Amulengeshe banyama kucica kuswa munshaancico alimwi abayuni kuulukaamo.

Mateyo 3:10

Bulya keembe kakutimbwishako shisamu kumiyanda kalibambitwe kale. Aboobo, cisamu coonse citacati shisepo shibotu, cilaakutemwa akuwaalwa mumulilo.

Isaya 26:14

Ono bulya balifwite, ncakwiila tabacibete boomi. Teshi bakabukeewo musongo ceebo mwebo mwabapa mulandu akubanyonyoola. Ndushinisho taaku eshi akabeebalukeewo tubili.

Shikushimikila 8:10

Ndakabona bamucita shibi kababikwa mushuumbwe. Bantu abo bakalinga kwinjila akuswa mumusena usalalite alimwi akulumbaishikwa mundabala inene umo mobakalinga kucitila shibiibi isho. Ici acalo taaku mbocibete.

Jobo 19:26

Ono nabi cikanda cangu camana kunyonyoolwa, sombi mumubili wangu uyu weenka ndaakubona Lesa.

Jobo 17:14

Ndaakutumba cuumbwe ayi bata akutumba mapila eshi akanoondya ayi bama nabi ayi nankashi.

Jobo 3:13

Nendakasansulwa, naakwiinga sunu nshintoopenga. Ncakwiila naakwiinga ndiletebo tontolo

Jobo 19:10

Wanguma mumbasu shoonse. Kulangila kwangu wamana kukunyonyoola akunshiyabo anga ncisamu cashulwa.

Jobo 21:26

Sombi boonse aba balafwa akoona mubulongo. Ndushinisho boonse balalitwa pantu pomwi kumapila.

Kulumbaisha 34:16

sombi ulipatite bantu bacita bubi kwaamba ayi kukabule ubeebaluka baakufwa pacishi ca panshi coonse.

Isaya 49:15

Paceebo ceeco Mwaami Lesa wakumbula ayi, “Sa mushali mwanakashi inga waluba mwaana ngwaayamwisha? Sa inga wabula nkumbu kumwaana ngwaakashala mwiine? Ono nabi lakwe inga wamuluba, nebo teshi nkamulubeewo, napaceyi!