Jobo 23:11 - Baibo Busansulushi Bwa Libuku Ili

¹¹ Myeendo yangu ilakonkelabo muntaamwa shakwe. Ndeenda munshila yakwe cakutapambookaawo, napaceyi.

Jobo 23:11 Referans Kwoze

Kulumbaisha 44:18

Taaku bushiku mbotwakamwaalookilaawo. Tatukwe kucilekaawo kukonkela milawo yanu.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

Kulumbaisha 125:5

Sombi abo bakonkela nshila shabo shitaluleme, Mwaami Lesa ulaakubatandila nkweshi kukanooli bamucita shibi. Luumuno alube pabene Isilaeli.

Kulumbaisha 17:5

Lyoonse ndeenda munshila shanu, taaku bushiku mbondakapambukaamo.

Jobo 17:9

Abo balyaamba ayi balalemekwa batooya ciindaawo kushinisha ayi baliluleme.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Sefaniya 1:6

Ndaakunyonyoola baabo bacileka kukonkela ndime neMwaami Lesa ee, bantu abo batanyandooli nabi kunjipusha ayi mbalwiite nshila iluleme.”

Kulumbaisha 36:3

Myaambo yabo yoonse njabubi alimwi njabubeshi. Kucita shintu shibotu, sha busongo, ncintu ncebakacilekabo kalekale.

1 Bene Tesalonika 2:10

Mwebo aLesa mwiine, muli bakamboni besu kwaamba ayi bwikaalo bwesu pakati kanu nobashomi, bwakalinga kusalalite, bululeme alimwi butacite kampenda.

Jobo 6:10

Lyalo moyo wangu inga wekala ceebo nshina kukakaawo maswi akwe Lesa Usalalite mukuciswa kwangu koonse nakukomeni.

Jobo 31:7

Na ndakapambukawo kuswa munshila iluleme, na meenso angu akantola kushibiibi, nabi na maansaangu akacatawo shibiibi,

Kulumbaisha 119:51

Bantu balisumpula balancelebula lyoonsebo, sombi nebo nshifutatiliwo milawo yanu.

Jobo 10:7

Mulishi kwaamba ayi nshicite mulandu alimwi taaku ukonsha kumfuna kuswa mumaansaanu.

Kulumbaisha 44:19

Nakubi boobo mwatushiya pakati ka baumpe kwakubula ashikutucafwa, kutushiya sweenka mumunshinshe ushiya mbi.

Tushimpi 4:5

Ba abusongo alimwi ube amaano akunyumfwisha shintu. Kuteelesha kuluba maswi angu nabi kwaasuula napaceyi.