Jobo 21:19 - Baibo Busansulushi Bwa Libuku Ili

¹⁹ “Ono mulaamba ayi, ‘Lesa ulapa mulandu mwaana ceebo ca shibiibi sha mushali wakwe.’ Sobwe, aape mulandu bamucita shibi beene kwaamba ayi beshibe ayi nceebo ca shibiibi shabo.

Jobo 21:19 Referans Kwoze

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Esekelo 18:2

“Anu mwebo nobantu mulaambanshi ndyemwaamba kashimpi aka pacishi ca Isilaeli? ‘Minyansa isasamwita yalya bamashali, ilashiya kusasamwita kwa njiyo mumilomo ya bana babo.’

Jelemiya 31:29

Ono ciindi ico cakushikila bantu teshi bakaambewo tubili ayi, ‘Bameeshiwesu bakalya shisepo shisakamwita, aboobo meeno a bana babo akaba abuwe.’

Isaya 14:21

Akubambwe musena wakucailaako bana bakwe basankwa! Batoocaikwa ceebo ca shibiibi sha bamashali babo bakulukulu. Taaku nabi womwi pakati kabo weelete kulela cishi. Taaku weelete kususha cishi ca panshi amandabala akwe anene.”

Ciyubululo 18:6

Amumuciite bweenka mbwaakacita ndimwe. Lakwe mwiindilisheewo pasheesho nshaakacita. Munkomeshi njaakanwishishamo ndimwe, mubikemo waini ukali kwiinda pawooyo ngwaakamunwisha.

2 Timoti 4:14

Alekisanda shikufula sheela wakambishisha abuumbi. Mwaami Lesa ulaakumupa mulandu weelete kweelana ancaakacita.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

Esekelo 18:14

“Ono twaambe ayi mwaana musankwa uyo kaacite mwanaakwe musankwa uyo ubona shibiibi isho shoonse baishi nshebacita, sombi nabi lakwe ulashibona, kaatashiciiti.

Kulumbaisha 54:5

NobaLesa bubi abuboolele baabo batooncaya liina. Amubanyonyoole kwiinda mukushomeka kwanu.

Dutolonomi 32:34

“Mwaami Lesa uciyeeya balwani babo ncebakacita Utoolindilabo ciindi ceelete ayi abape mulandu.

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Malaki 3:18

Paciindi ico bantu alimwi balaakubona bupusano buli pakati ka bantu baluleme abataluleme, bansebensela alimwi abatansebenseli.”

Jobo 22:24

Bona golodi wako anga ndusukobo. Waala golodi wako ubotu wa kuOfa mumulonga.

2 Samwelo 3:39

Sunu nakubi kwaamba ayi ndime mwaami wakasalwa aMwaami Lesa kwiinda mukunanikwa mafuta, ndalinyumfwa kuuba, alimwi bana bakwe Seluiya aba banjumina abuumbi. Mwaami Lesa aalambule bakapondo aba kweelana amicito yabo ibiibi!”

Dutolonomi 32:41

ndaakunona mupeeni wangu ubekabeka, akubona kwaamba ayi bululami bwacitika. Ndaakuboosha cishole pabalwani bangu, akupa mulandu kubaabo bampatite.

Matalikilo 4:7

Necalinga cakwaamba ayi wacita cintu ciluleme naakwiinga walinga kusangalete. Ono ceebo cakwaamba ayi wacita citaluleme, cibiibi citookupensha mumoyo. Citooyanda kwaamba ayi cikweendeleshe sombi ulyeelete kucikoma.”

Shakubelenga 14:18

‘Nebo neMwaami Lesa nshifwambaani kukalala, ndabonesha lusuno lunene alimwi ndalekelela shibiibi abwaashu bwa bantu. Nacibi boobo, teshi nkaalilwe kupa mulandu baana kushikila akulishalane lyatatu alyane ceebo ca shibiibi sha bamashali babo bakulukulu.’