Jobo 20:16 - Baibo Busansulushi Bwa Libuku Ili

¹⁶ Mucita shibi nshaamina shili anga mbuyoka bwa nsoka. Bulaakumucaya anga ngumuntu walumwa nsoka ikali.

Jobo 20:16 Referans Kwoze

Bene Loma 3:13

Myaambo yabo njabubeshi, ilacaisha. Kwiinda mumilaka yabo mbeshi kwaamba shakubeca, alimwi mumilomo yabo mulaswabo maswi abucayi, mbuli busoka bwa nsoka.

Mateyo 3:7

Ono Joni ndyaakabona baFalisi abaSaduki baanji kabesa kuli nguwe mukubombekwa, wakabaambila ayi, “Nobana ba nsoka mwebo! Ngani wamucenjesha kuloonda bukali bwakwe Lesa butoosa?

Isaya 30:6

Ono maswi aamba pabanyama ba kuNegefu ngaaya: “Beshikwiimikanina baleenda mucishi ciyoosha, umo muli nkalamu, mpili ansooka shimwi shuuluka. Balanyamuna shintu shabo shamakwebo pambongolo. Balalundika maboni abo pamisana ya ngamela kutolela mushobo utakoonshi kubacafwa.

Dutolonomi 32:24

Ndaakutuma nsala ashimpwita, balaakufwa kumalwashi ayoosha. Ndaakutuma banyama bamuluundu ayi babacaaye, alimwi ansooka shikali ayi shikabaluume.

Dutolonomi 32:33

Bali anga nguwaini wakapangwa kubuyoka bwa nsoka, ncakwiila bali anga mbuyoka bwakwe lukonkola.

Jobo 6:4

Mifwi yakwe Lesa Shinkusu shoonse ilinjasite. Bukali bwa njiyo butokweendeenda mumubili. Shintu shiyoosha shakwe Lesa sheelekwa kuli ndime.

Tushimpi 23:32

Sombi pesule ulalumabo anga ninsoka, ee, ulicite busoka bukali anga mbwa mpili,

Tushimpi 11:17

Muntu ucite nkumbu ulalambulwa pankumbu shakwe, sombi muntu shilunkutwe ulalipensha mwiine.