Jobo 18:15 - Baibo Busansulushi Bwa Libuku Ili

¹⁵ Muŋanda yakwe taamu caakwe ciciliimo. Mulasanseelwa salufa kucaya tulongolo tuleta malwashi.

Jobo 18:15 Referans Kwoze

Kulumbaisha 11:6

Pabantu abo ulaakulosha makalangasha amulilo wa salufa. Ulaakutuma amyuuwo itenta pali mbabo mukubapa mulandu.

Dutolonomi 29:23

Cishi canu coonse cilaakubabo luyanga, cilaakunoolibo ncikula. Taaku ceshi cikanoomenaawo nabi bwiisu boonse. Cilaakuba anga ngamandabala anene aSodoma aGomola, Adima alimwi aSeboyimu, ayo ngaakanyonyoola Mwaami Lesa ndyaakakalala abuumbi.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

Sekaliya 5:4

Mwaami Lesa Shinkusu shoonse waamba ayi, ‘Ndaakutuma lishingo ilyo lyeshi likenjile muŋanda ya mwiipi woonse amuŋanda ya wooyo ushomesha cakulumbila cabubeshi muliina lyangu. Lilaakunooshiite mumaandaabo kushikila likaanyonyoole cakumaninina.’ ”

Jelemiya 22:13

Mapensho kuli wooyo uyaka ŋanda yakwe ya bwaami kwiinda mukutalulama. Mapensho kuli wooyo uyaka shipinda sha peculu kwiinda mukoombolosha cakunyengelela ee, kuli wooyo usebenseshabo bantunyina kwakubula kubafolesha.

Matalikilo 19:24

Mpomunyaawo Lesa wakalosha mulilo wa salufa paSodoma aGomola

Luka 17:29

Sombi bushiku Loti ndyaakaswa muSodoma, mulilo asalufa shakaloka kuswa kwiculu akubanyonyoola boonse.

Jelemiya 49:18

Bweenka ndabala inene ya Sodoma aya Gomola mbwaakanyonyoolwa pantu pomwi amandabala akalinga kwaashingulukite, mbweeke ubo cishi ca Edomu mbweshi cikacitwe. Taaku muntu nabi womwi weshi akekaleemo tubili. Nebo neMwaami Lesa ndaamba.

Dutolonomi 28:24

Mumusena wa mfula, Mwaami Lesa ulaakutuma cipuupu ca lusuko alimwi amuseese kushikila mukanyonyooke.

Jobo 15:34

Batashomi Lesa teshi bakabeewo abamulunyungu. Mulilo ulaakutenta maanda a baabo batambula makulo.