Jobo 16:15 - Baibo Busansulushi Bwa Libuku Ili

¹⁵ “Ntoolila akufwala masaka kutondesha buumba. Ndatondesha kulibombya kwiinda mukwikala mulusuko.

Jobo 16:15 Referans Kwoze

Matalikilo 37:34

Jakobo wakakwamoona shakufwala mubuumba akufwala masaka. Wakamulila mwanaakwe kwa ciindi cilaamfu.

Kulumbaisha 7:5

anu amusuminishe balwani bangu kunkonkela akuncana. Lyalo banyonyoole buumi bwangu akungoneka mubulongo.

Isaya 22:12

Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.

Kulumbaisha 75:5

Mutalisumpuli pankusu shanu kuli Lesa. Mutanokwaamba cakulinaamuna.’ ”

1 Baami 21:27

Ono Elija ndyaakamana kwaamba, Aabu wakakwamoona shakufwala shakwe akufwala masaka. Wakalikasha kulya akutalika koonabo mumasaka alimwi kaaenda kaaungumene alimwi cabuumba.

Kulumbaisha 75:10

Nkusu sha bamucita shibi ulaakushikoma. Sombi nkusu sha baluleme shilaakufushikwa.

Jobo 30:19

Wansowela panshi mumatipa. Ndababo anga ndanana lusuko nabi milota.

1 Samwelo 2:10

Balwani ba Mwaami Lesa balaakunyonyoolwa, ulaakubakalalila mbuli cilulumo ca mfula kuswa kwiculu, Mwaami Lesa ulaakoombolosha cishi ca panshi coonse. Ulaakupa nkusu mwaami ngwaakasala, mwaami uyo ulaakumulengesha kukoma.”

1 Samwelo 2:1

Mpeeke Aana wakapaila ayi, “Mwaami Lesa wansangalasha abuumbi, Ndikondetwe abuumbi ceebo ca ceeco ncaacita! Balwani bangu ntoobaseka. Ndisangalete abuumbi ceebo Lesa wancafwa!

Jobo 19:9

Buboni bwangu boonse wabulobya alimwi wancaya aliina.

Kulumbaisha 69:11

Ndindakaalula masaka kuba shakufwala shangu sha buumba, bakatalika kunseka.

Malilo 3:29

Ashishe ciwa cakwe mulusuko ceebo mukucita boobo mpashi inga wacana lulangilo.