24 Buumba alimwi amapensho shamulenga boowa. Shilamukonga anga ngumwaami shinkusu ulibambite kulwana.
Mapensho alimwi amakatasho alaakuba pabantu abo bacita shibiibi, kutaanguna baJuda, pesule baswamashi bakunsengwe.
Nebo neMwaami Lesa ndaambila bantu bangu basalalite, ndeeta bashilumamba bangu kwaamba ayi babe cisebensesho ca bukali bwangu. Ncakwiila ayi banyonyoole bantu abo mbondafutatikila moyo.
Sombi bukandu bulamupolela muciindi ceenka ico mbuli mwiipi, ee, bupenshi bulamulwana anga ngushilumamba.
Nkokwaamba ayi shilensha boowa shaakumupolela anga ncipuupu, ee, mapensho aakumupyanga anga nkapupuulwa, ncakwiila mwaakulimbwa mapensho amakatasho.
Mapensho abuumba shampolela, nakubi boobo milawo yanu ilansangalasha.
“Mucita shibi ulapenga mubuumi bwakwe boonse, alimwi uyo ulyatilila bamwi ulapenga mumyaaka yakwe yoonse.
Matwi akwe ngeshi kunyumfwabo maswi ayoosha. Peenka mpaabonena ayi waba muluumuno, bapambi nkumutuula.
Makubi atoolindililabo kulya mutuntu wakwe, alakwe mwiine ulishi kwaamba ayi lufu lwakwe luli pafwaafwi.
Ono ico ncecicitika kumuntu ufungila Lesa likoofi. Ee, uyo ulisumpula pameenso akwe Lesa Shinkusu shoonse
Ulwiite amwaami Jeoiyakimu ayi, ‘Wakatenta cakulembelaawo ico akwiipusha ayi ino webo wakalembelawonshi ayi mwaami wa bene Babiloni ulaakwisa mukunyonyoola cishi ici akucaya bantu boonse alimwi abanyama bekalaamo?
Lesa utoosuntabo kubukali pali ndime. Ncakwiila nebo ulambelengela pabalwani bakwe.
Watuma likoto lyakwe lya bashilumamba kuli ndime. Bayaka mukuti wakutantaawo akumbika pakati ayi bandwaane. Ncakwiila bayaka misumba kushinguluka ŋanda yangu.