Jobo 14:5 - Baibo Busansulushi Bwa Libuku Ili

⁵ Inshiku sha buumi bwa muntu shilibambitwe kale. Ee, myeenshi ya kweendela buumi kwakwe ilibelengetwe. Mwakabika kale pakweela apo mpwaatakoonshi kwiindilisha.

Jobo 14:5 Referans Kwoze

Kulumbaisha 39:4

“NoBaami baLesa, amumboneshe kweela buumi bwangu. Ee, mbone kuceya kwa nshiku shangu. Anshibe kufwiimpa kwaciindi ca buumi bwangu.”

Milimo ya Batumwi 17:26

Kuswa mumuntu womwi ngwaakalenga, mwakaswa mishobo yoonse ya bantu akubakalika mucishi coonse ca panshi. Lakwe mwiine kaatana kubalenga, wakabaambila limwi ciindi alimwi amusena nkweshi bakekaale.

Bene Ebulu 9:27

Muntu uli woonse ulafwa linkanda lyomwi, kuswawaawo ndyaaomboloshekwa.

Jobo 12:10

Buumi bwa shilengwa shoonse buli mumaansaakwe. Ncakwiila abwalo buumi bwa bantu boonse ngoobucite.

Kulumbaisha 104:29

Na mwashifutatila shilaloonda abuumbi, Na mwashinyaya muuya wanu shilafwa, shilaboolela kubulongo uko nkoshakaswa.

Jobo 21:21

Sa lakwe uliciteewo acakulisukama pabamuŋanda yakwe bacaala na myaaka ya buumi bwakwe yamana?

Luka 12:20

Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”

Danyelo 5:26

Maswi alaamba bobulya: “MENE, nkwaamba ayi Lesa wabelenga nshiku sha kulela kwanu, ono washishisha kumeelelesho.

Kulumbaisha 104:9

Mwakabikila manyinsa ngwatakoonshi kwiindilila, kwaamba ayi atakafwekeleshiwo tubili cishi ca panshi.

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Jobo 14:14

Na muntu wafwa, sa inga wayoya alimwi? Munshiku shoonse sha mulimo wangu uyumu ndanoolindilila kushikila nkaswe mumapensho.

Jobo 7:1

“Sa te buumi bwa muntu mbuyumu pacishi ca panshi? Sa te nshiku sha buumi bwakwe shili anga nsha musebenshi?

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

Danyelo 5:30

Mashiku eenka ayo Beloshasa mwaami wa bene Babiloni wakacaikwa.

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Kulumbaisha 31:15

Nebo lyoonse ndi mumaansaanu. Amumfuune kuswa kubalwani bangu, ee, kuswa kubaabo bampensha.

Kulumbaisha 139:16

Mwakambona kaantana kushalwa. Nshiku sha buumi bwangu mwakalinga kushilembete kale mulibuku lyanu kashitana akutalika nshiiku isho.

Shikushimikila 3:2

Kuli ciindi cakushalwa aciindi cakufwa. Kuli ciindi cakushanga aciindi cakutebula.

1 Samwelo 26:10

Mpeeke wakaamba ayi, “Ncakwiila bweenka mbocibete lushinisho ayi Mwaami Lesa ngumuumi, Mwaami Lesa mwiine ulaakumutondesha bukali. Bumwi bushiku ciindi cakwe cakufwa lufu ŋanda cilaakushikila nabi ulaakuya mukufwita kunkondo.

Jobo 16:22

“Ndacaashabo myaaka iniini kwaamba ayi ntole nshila itaboolwa.

Shikushimikila 8:8

Taaku muntu ucite nkusu shakwiimika muuwo. Mbweeke ubo taaku muntu ucite nkusu shakukasha lufu lwakwe. Bweenka shilumamba mbwaatakonshi kutandwa muciindi ca nkondo, mbweeke ubo bubi teshi bukafuune baabo babucita.