Jobo 12:5 - Baibo Busansulushi Bwa Libuku Ili

⁵ Mwebo nomushiite kabotu mulaseka muntu uli mumapensho. Ncakwiila mulooma muntu utooyanda kuliwita.

Jobo 12:5 Referans Kwoze

Mateyo 25:8

Lyalo bamyooye baluya bakaambila babyabo bacenjete ayi, ‘Amutucafweko mafuta anu ceebo malampi esu atooyanda kushimika.’

Tushimpi 13:9

Baluleme bali anga ndilampi linyakisha, sombi bamucita shibi bali anga ndilampi litooyanda kushimika.

Kulumbaisha 17:5

Lyoonse ndeenda munshila shanu, taaku bushiku mbondakapambukaamo.

Luka 12:19

Ono ndaakulyaambila ayi, Ulicite buboni buunji bweshi bukabule kumana kwamyaaka iinji. Aboobo liibe, kolya, konwa akusekana.’

Jelemiya 13:16

Amulemeke Mwaami Lesa, Lesa wanu ndyaatana kuleta munshinshe ee, kamutana kutalika kulisuntula patulundu pataapu mumuni. Mwebo mutoolangila mumuni, sombi lakwe ulaakumuletela munshinshe ushiya mbi.

Tushimpi 20:20

Uyo woonse ushingana baishi abanyina, buumi bwakwe bulaakumanabo anga ndilampi lyashimika mumunshinshe.

Kulumbaisha 94:18

Ndindakayeeya ayi, “Ono ndakoomwa,” Mwaami Lesa wakamfuna mulusuno lwakwe lutamaani.

Jobo 18:5

“Ono mumuni wa buumi bwa mucita shibi walo cipangano nkushimishikwa. Ncakwiila teshi ukabonekeewo tubili koonyaka.

Jobo 16:4

Nemwalinga ndime, nebo kaandi ndimwe, naakwiinga anebo ndalinga kwaamba shoonse nshemutokwaamba. Ncakwiila naakwiinga ntoopukumunabo mutwi pali ndimwe akwaamba maswi aanji akumushinina.

Jobo 6:5

“Sa mbongolo ya muluundu ilalila na bwiisu kabuliiwo? Sa musune alakwe ulalila na wasaninwa bwiisu bubotu?

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

Jobo 12:4

Anu ono ndababo shikusekwa akubeensuma boonse nakubi kwaamba ayi ndi muntu ululeme utacite kampenda. Nebo ndakalinga kusenga kuli Lesa alakwe wakalinga kunkumbula.

Jobo 12:6

Bapambi abantu bamwi bakalasha Lesa balekalabo muluumuno. Sombi balo mbantu bacinka manungo munkusu shabo beene ayi ngolesa wabo.