Jobo 12:25 - Baibo Busansulushi Bwa Libuku Ili

²⁵ Balaashaasha mumunshinshe mutaamu mumuni akubalengesha kutalantanta anga ngucakolwa.

Jobo 12:25 Referans Kwoze

Jobo 5:14

Balaba mumunshinshe ciindi ca malumwi akutalika kupampanshapampansha anga ndimashiku.

Kulumbaisha 107:27

Bakapulumpunta akutalantanta anga mbantu bakoletwe cakwaamba ayi alushibo lwabo mpalampala.

Isaya 24:20

Cishi citootalantanta anga ngucakolwa, citootenkaana anga nkaanda kucipuupu cinene. Ncakwiila calemenwa shibiibi sha bantu ba muli ncico. Cilaakuwa cakutabukaawo tubili.

Isaya 19:14

Mwaami Lesa wabatilila muuya wa cinshiingwa, batoolengesha bamucishi ca Ijipiti kutalantanta mushintu shoonse nshebatoocita, bweenka cakolwa mbwaatalantanta mumaluko akwe.

1 Joni 2:11

Sombi uyo upatite mubye uli mumunshinshe. Uleenda muli nguwo alimwi ankwaatooya taakwishi ceebo munshinshe wamulengesha kupofola.

Milimo ya Batumwi 13:11

Ono cino ciindi ceenka Mwaami Lesa utookoombolosha akukupa mulandu. Utoopofola, aboobo teshi unoolibonaawo lisuba kwaciindi ceelete.” Paciindi ceenka ico Elimasi wakapofola. Lyalo wakatalika kupulumpunta, kulangoola muntu wakumucatilila kulyaansa akumutanjilila.

Isaya 59:10

Ono twababo anga mboofu kuya caashaasha muya lubumbu, ee, anga mbantu batalashi kuya cipampanshila motweelete kwiinda. Lumwi lubala tulalisuntula anga ndimashiku. Tuli anga mbantu bali kumusena wa bafu kumunshinshe.

Dutolonomi 28:29

Mwebo mulaakunooshibashiba anga ngumoofu lumwilubala. Mulaakunookwaalilwa kwishiba nkomutooya alimwi teshi mukaswitilile mushintu shoonse nsheshi mukanoocita. Lyoonse mulaakunoonyengelelwa alimwi akwiipilwa, sombi taaku eshi akamufuune.

Matalikilo 19:11

Lyalo bakalengesha basankwa boonse bakalinga pansengwe kuba boofu kwaamba ayi batakonshi kubona cisasa.

Jobo 18:6

Mumuni uli muŋanda yakwe ulaakuba munshinshe. Lilampi lili muliimfwa lyakwe lilaakushimika.