Jobo 12:13 - Baibo Busansulushi Bwa Libuku Ili

¹³ Nakubi boobo Lesa taacitebo busongo, sombi ankusu alimwi Lesa taacitebo maano eenka, sombi alushibo.

Jobo 12:13 Referans Kwoze

Jobo 36:5

“Lesa ngushinkusu, sombi taaku muntu ngwaanyansha. Taaku cintu nabi comwi ncaateshi.

Jobo 9:4

Lesa nguMusongo alimwi nguShinkusu. Taaku weenga wamupikisha akuswitilila.

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.

Tushimpi 8:14

Ndapa maano bantu akupansaanya bubi abubotu. Ndicite maano akunyumfwisha shintu alimwi ndi muyumu.

Bene Kolose 2:3

Muli nguwe momushisitwe bubile boonse bwa busongo alimwi alushibo.

Danyelo 2:20

mukwaamba ayi, “Aalumbaishikwe Lesa kwalyoonse alyoonse, Ncakwiila ulicite busongo ankusu shiinji.

Kulumbaisha 147:5

Mwaami wesu ngumunene alimwi ulicite nkusu shiinji. Busongo bwakwe tabucite meelelesho.

Jobo 11:6

akukwaambila bushishi buli mubusongo bwiine bwiine. Mukwiinga busongo bwiine bwiine bulicite nshila shobilo. Ono shiba ayi Lesa taatookupensha kweelana abweelete milandu yako.

Bene Efeso 1:8

luse luunji ulo ndwaakacitila ndiswe soonse. Kwiinda mubusongo alushibo lwakwe,

1 Bene Kolinto 1:24

Nakubi boobo kubaabo Lesa mbwaakeeta, baJuda nabi baswamashi bakunsengwe, balishi kwaamba ayi Klistu nshenkusu alimwi abusongo bwakwe Lesa.

Bene Loma 11:34

Bweenka bwaamba Malembo akwe Lesa ayi, “Anu ngani ushi Lesa mbwaayeeya? Ngani weenga wapanda maano Lesa?

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

Jelemiya 10:12

Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.

Isaya 46:10

Kuswa kumatalikilo ndakaambila limwi sheshi shikacitike. Ee, ndakashaambila limwi kashitana kucitika. Nebo ndakaamba ayi miyeeyo yangu teshi ikeelewo munshila alimwi ayi ndaakucita shintu shoonse nshendapinga kucita.

Jobo 38:36

Ngani wakapa busongo makumbi kulosha mfula mumisenamisena? Ngani wakapa maano shikunku kutondesha ayi mfuula itooloka?

Jobo 12:16

Lesa ngomwine nkusu abusongo, bantu bacenjeekwa abeshikubacenjeeka bali mumaansaakwe.

Jobo 26:12

Wakootobeka lweenge munkusu shakwe akunyonyoola shinshimwe wiitwa ayi Laabu ceebo ca busongo bwakwe.

Isaya 31:2

Nakubi boobo Mwaami Lesa alakwe ngumusongo, ulanyonyoola alimwi taalubi kucita cintu ncaapinga kale. Anu ulaakupa mulandu bamucita shibi abaabo boonse babacafwa.