Jemusi 5:20 - Baibo Busansulushi Bwa Libuku Ili

²⁰ amulabilile kwaamba ayi uyo woonse ukusha mubye munshila shakwe sha shibiibi, ulaakupulusha buumi bwa muntu uyo kuswa mulufu lutamaani akulengesha ayi shibiibi shakwe shiinji shikalekelelwe.

Jemusi 5:20 Referans Kwoze

1 Pita 4:8

Cinene ncakwaamba ayi musunane cankusu ceebo na mwasunana, inga kamulibambite kulekelelana shibiibi.

Tushimpi 10:12

Lupato lulalengesha kwaambana, sombi lusuno lulapa kulekelela shilubo shoonse.

1 Timoti 4:16

Cenjela abuumi bwako alimwi akwiisha kwako. Kotolelela kucita shintu ishi ceebo mukucita boobo ulaakulipulusha omwiine alimwi abaabo bakukutika.

Bene Loma 11:14

Mukucita boobo, mpashi ndalengesha bantu ba mumushobo wangu kunyumfwila munyono baswamashi bakunsengwe kwaamba ayi Lesa akapulushe bamwi mulikoto lyabo.

Tushimpi 11:30

Cisepo ca bululami mbuumi. Uyo utanjilila bantu kubululami ngumusongo.

Jemusi 5:19

Nobamakwesu, na umwi pakati kanu waswa mulushinisho, ono mubye umwi wamuboosha,

Jemusi 1:15

Ono lunkumbwa lwakwe na lwakula lulashala cibiibi alimwi cibiibi ici na cakula cilashala lufu.

1 Bene Kolinto 9:22

Pakati ka bantu bacite lushomo luniini ndakekala mbweeke mbuli mbabo kwaamba ayi mbalete kuli Lesa. Aboobo kubantu boonse ndakekala mbweeke mbuli mbabo kwaamba ayi na kacikonsheka bamwi Lesa abapulushe.

Tushimpi 11:4

Bubile tabucafwi pabushiku bwa bukali, sombi bululami mbobufuna kuswa kulufu.

Kulumbaisha 32:1

Balicite coolwe abo Lesa mbwaalekelela shibiibi shabo, abo bacite shibiibi nshaakashiminganya!

Joni 5:24

“Ntoomwaambila calushinisho ayi uyo woonse unyumfwa maswi angu akushoma wooyo wakantuma ulicite buumi butamaani. Teshi akoomboloshekwe, sombi waswa kale mulufu kuya mubuumi butamaani.

Tushimpi 10:2

Buboni bucaninwa munshila ibiibi tabucite mpindu, sombi bululami bwalo bulapulusha muntu kulufu.

Filimoni 1:19

Maswi aya ntooalemba alyaansa lyangu ayi, “Nebo nePaulo ndaakukulipila.” Mukwaamba boobo, nsheelete kukwiibalusha ayi nkongole njoocite kuli ndime, mbuumi bwako omwiine.

Ciyubululo 20:6

Balicite coolwe alimwi balisalalite abo beshi bakataangune kubushikwa kuswa kubafu. Kuli mbabo, lufu lwabili talucite nkusu, sombi balaakuba bapailishi bakwe Lesa alimwi aKlistu. Lyalo balaakweendelesha pantu pomwi anguwe kwamyaaka ili cuulu.

Tushimpi 17:9

Uyo ulekelela mubye mulandu ngayi ulisuni cibusa, sombi uya cibandika cilubo ca mubye ulalengesha cibusa kumana.

1 Bene Kolinto 1:21

Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo.

Jemusi 1:21

Aboobo amushiye shibiibi shoonse nshemushibite abubi ubo buli mumyoyo yanu. Amutambule cakulibombya maswi ayo Lesa ngaakashanga muli ndimwe, ayo akonsha kumupulusha.

Jemusi 5:15

Na bapaila calushomo, mulwashi ulaba kabotu. Mwaami wesu inga wamulengesha kuba kabotu alimwi shibiibi shoonse nshaakacita shilalekelelwa.