Jemusi 4:1 - Baibo Busansulushi Bwa Libuku Ili

¹ Anu cilengesha kulwana akwaambana pakati kanu nciinshi? Sa te njimiyeeyo yakuyandishisha kulikondelesha iyo ilwana muli ndimwe?

Jemusi 4:1 Referans Kwoze

1 Pita 2:11

Nomusunikwi, ntoomusenga cankusu, mbuli beensu bapalangene mucishi ca panshi, amuswe kulunkumbwa lwa mubili ulo lulwana amuuya wanu.

Bene Galatiya 5:17

Mukwiinga buumi bwa buntu ubo bulisuni sheesho shitasuni Mushimu Usalashi, ashalo shisuni Mushimu Usalashi teshi nshesheesho shisuni buumi bwa buntu. Shintu shobilo ishi tasheendelani, nkokwaamba ayi inga tamuciti shibotu isho nshemusuni kwaamba ayi mucite.

Bene Loma 7:23

Sombi ndishi kwaamba ayi muli ndime muli mulawo uyo utasuni miyeeyo yangu. Mulawo umwi uyo ukonkela nshila ya bubi ngowalengesha ayi mbe musha wa bubi.

Bene Loma 8:7

Aboobo na muntu kaasunibo shiyanda mubili wakwe, ulaba mulwani wakwe Lesa mukwiinga taakonkeli milawo yakwe Lesa, ncakwiila inga taacikoonshi.

Jemusi 1:14

Sombi muntu woonse ulasunkwa na wayungoolwa akucenjeekwa alunkumbwa lwakwe mwiine.

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

1 Pita 1:14

Amube anga mbaana banyumfwila, mutaleeki lusuno lwa shintu shibiibi kwaamba ayi lumweendeleshe ulo ndomwakalinga kucite kamutana kwishiba Klistu.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

2 Pita 3:3

Cinene ncemweelete kwishiba ncakwaamba ayi munshiku shino shakweelaako, kulaakwisa bantu beshikumuseka abo beendeleshekwa alunkumbwa lwa mibili yabo.

Jemusi 4:3

Alimwi nabi mwaseenga inga tamushitambuli ceebo miyeeyo njemucitila boobo njibiibi. Mulasenga shintu kwaamba ayi mushisebenseshe mukulikondelesha mwebo nobeene.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

Taitasi 3:3

Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite.

Taitasi 3:9

Sombi webo swa kukupikishanya kwabuluya, makani amashalane, kwaambana akupikishanya shaMilawo ceebo ishi tashicafwi alimwi taaku mboshibete.

Bene Loma 7:5

Ceebo nditwakalinga kwikala mubuumi bwa buntu, kuyandishisha kubisha uko kwakayuminishikwa aMilawo, kwakalinga kweendelesha buumi bwesu. Aboobo kwakatuletela lufu.

Mateyo 15:19

Mukwiinga mumoyo momuswa miyeeyo ibiibi, ya bucayi, bulale, bufuule, bwiipi, bukamboni bwakubeca alimwi abufuyishi.

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

2 Timoti 2:23

Sombi ucileeke kupikishanya kwabuluya alimwi kwakubula lushibo ceebo ulishi ayi kulaletelabo kwaambana.