Jemusi 2:6 - Baibo Busansulushi Bwa Libuku Ili

⁶ Sombi mwebo tamulemeki muntu mukandu. Sa te babile mbobamulyatilila alimwi akunoomutola kunkuta shipusenepusene?

Jemusi 2:6 Referans Kwoze

Tushimpi 17:5

Muntu uyo useka bakandu, ingayi ulanyansha Mulengi wabo. Uyo woonse usangalalila mumapensho a umwi, teshi akalangwebo cakutapekwa mulandu.

1 Bene Kolinto 11:22

Sa tamucite maandaanu uko nkomweelete kulita cakukuta akunwa? Nabi na camubotela kusebaanya coonde cakwe Lesa akulensha nsoni bakandu? Ono sa mutooyeeya kwaamba ayi inga ndamulumbaisha pacikani ici? Nshikoonshi napaceyuubo.

Tushimpi 14:31

Muntu uyo useka mubye mukandu, ingayi ulanyansha Mulengi wakwe, sombi uyo woonse ufwita nkumbu mukandu, ulalemeka Lesa.

Kulumbaisha 14:6

Bamucita shibi balapilinganya miyeeyo ya bantu balibombya, sombi Mwaami Lesa nceciyubilo cabo.

Jemusi 5:4

Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.

Jemusi 2:3

na mwalemeka wooyo ufwete kabotu akwaamba ayi, “Amwikale waawa pacuuna cibotu!” Sombi mwaambila mukandu uyo ayi, “Imikana uko nabi ayi kwesa ukale panshi apa.”

Milimo ya Batumwi 17:6

Sombi ndibakabona ayi tabamo, bakacata Jasoni abashomi bamwi akubakwelaanya kubatola kubacinenenene ba mundabala inene umo. Bakoolobesha ayi, “Balya bantu baya bucita shimfulunganya koonse koonse, ono bulya bali momuno mundabala yesu inene!

Milimo ya Batumwi 13:50

Sombi baJuda bakayungoola basankwa bacinenenene mundabala inene alimwi abanakashi bashibikitwe baswamashi bakunsengwe abo bakalinga kulambila Lesa. Lyalo bakatalika kupensha Paulo aBanabasi akubatanda mucishi cabo.

Milimo ya Batumwi 8:3

Sombi Saulo wakeelesha kwaamba ayi anyonyoole coonde. Wakalinga kweenda kuswa muŋanda aŋanda ya bashomi akucata basankwa abanakashi boonse akubaangisha.

Sekaliya 7:10

Tamweelete kulita masuku pamitwi ya bamukalubinje, bana banshiwa, baswamashi mbomwikalaabo nabi bakandu. Mutanoopinga kucisa babyaanu.’

Amosi 5:11

Mulalyatilila bakandu akubakakatisha ayi bamupe shili anga ngamaila. Nabi mwakayaka maanda a mabwe abotu abuumbi, teshi mukekaleemo. Nabi mwakalima myuunda ibotu ya minyansa, teshi mukanwewo waini ushi ukaswe kuli njiyo.

Shikushimikila 5:8

Na waboona muntu mupenshi kaalyatililwa mucishi akumulita masuku pamutwi mushintu shoonse, utakankamani. Ceebo wacinenenene womwi uleendeleshekwa kuumwi umwiindaawo alimwi boonse bobilo aba kuli bacinenenene babeendelesha.

Tushimpi 22:16

Uyo ulyatilila bakandu ayi abililewo, awooyo upa shipo kubantu babile kale, boonse balaba bakandu.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 10:14

Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.

Jemusi 5:6

Mwapa mulandu akucaya bantu batacite milandu alimwi tabamupikishi.

Milimo ya Batumwi 18:12

Ono Galiyo ndyaakaba mweendeleshi wa Akeya, baJuda bakabungana akucata Paulo bamutola kunkuta.

Abakuku 3:14

Mwakayasa mutanjilili wa bamucita shibi alisumo lyakwe mwiine. Mwakamuyasa ciindi likoto lyakwe lya bashilumamba ndilyakesa anga nkapupuulwa kwaamba ayi litupalanganye. Wakalinga kusangalala anga wesa mukunyonyoola bakandu cabushishi.

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Isaya 53:3

Bantu bakamukaka akumusebaanya. Ncakwiila wakalinga muntu shimapensho, ee, muntu uyo wakalinga kupenga. Wakalinga anga ngumuntu uyo bantu ngobalanga kumbi pakukumanaakwe munshila. Wakasebaana aswebo twakamulangabo anga na nciinshibo.

Kulumbaisha 10:10

Bantu abo bacatwa balababo anga ncintu capwayoolwa. Ncakwiila bakomwa kubantu bamucita shibi.

Kulumbaisha 10:8

Bamucita shibi balabelamina mumishi kwaamba ayi bacaye bantu batacite mulandu. Balasensa baabo mbobapingite mubushishi.

Kulumbaisha 10:2

Bamucita shibi balalisumpula akunoopensha bakandu. Balabacatisha mutoose ntobabateya.

Jobo 20:19

Ceebo wakapensha akulekelesha bakandu, akubwesa maanda ngaatakwe kuyaka.

Joni 8:49

Jesu wakakumbula ayi, “Nshicite shikaswa, sobwe. Ndalemeka baTa, sombi mwebo mulanyansha.

Tushimpi 18:23

Muntu mukandu ulaamba cakulikombelesha, sombi mubile ulakumbula cabukali bukali.

Tushimpi 22:7

Mukandu ngumusha wa mubile alimwi shikukweleta ngumusha kuwooyo shikukweletesha.