Jemusi 2:14 - Baibo Busansulushi Bwa Libuku Ili

¹⁴ Ino nimpindunshi icite muntu waamba ayi ulicite lushomo, sombi taaciti micito ibotu? Sa lushomo lwa mushobo uyo inga lwamupulusha?

Jemusi 2:14 Referans Kwoze

Luka 6:49

Sombi uyo unyumfwa maswi angu akutaacita, ulibo anga ngumuntu wakayaka ŋanda cakutakaba lwiimbi. Mulonga ndiwakesula, maanshi akatalika kuuma kuŋanda. Lyalo yakawa akunyonyooka abuumbi.”

Taitasi 1:16

Balaamba ayi Lesa balimwishi, sombi micito yabo ilakaka sheesho nshebaamba. Balafundoosha kumoyo alimwi tabanyumfwili Lesa, aboobo tabeeleli kucita cintu cibotu nabi comwi.

2 Pita 1:5

Paceebo ceeco, amusebense cankusu kwaamba ayi mwiilike bwikaalo bubotu palushomo lwanu alimwi pabwikaalo bubotu, mwiilikewo lushibo.

Jemusi 2:26

Ono aboobo bweenka mubili utacite muuya mbotwaamba ayi ulifwite, alwalo lushomo na talucite micito lulifwite.

Bene Ebulu 11:17

Ndushomo lwakalengesha ayi Abulaamu ndyaakasunkwa aLesa ayande kupa Isaki mwanaakwe mbuli mulambu kuli Lesa. Nakubi kwaamba ayi Abulaamu ngowakashomeshekwa, wakalinga kulibambite kubenga mwanaakwe musankwa eenkabo ayi abe mulambu.

Bene Ebulu 13:9

Mutasumini kwaamba ayi njiisho sheensu shipusenepusene ayi shimukushe munshila iluleme. Ncibotu kwaamba ayi luse lwakwe Lesa luyumye myoyo yesu, kuteshi kukonkela milawo yaamba pashakulya, ceebo milawo iyi taikwe kucafwawo baabo bakalinga kwiikonkela.

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Jemusi 2:18

Ono umwi muntu inga waamba ayi, “Webo ulicite lushomo, nebo ndicite micito ibotu.” Nebo palwaangu inga ndamwaambila ayi, “Ntondeshe mbweenga muntu waba alushomobo lutacite micito, nebo ntookutondesha lushomo kwiinda mumicito yangu.”

Milimo ya Batumwi 8:21

Taaku lubasu ndoocite mumulimo wesu uyu mukwiinga tooluleme pameenso akwe Lesa.

Mateyo 5:20

Aboobo ntoomwaambila ayi sombibo na bululami bwanu buleenda boobo bwa bafundishi ba Milawo abaFalisi, teshi mukenjile muBweene bwa kwiculu.

Taitasi 3:8

Makani aya ngalushinisho. Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse.

1 Timoti 1:5

Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.

1 Bene Tesalonika 1:3

Ceebo tuleebaluka pameenso akwe Lesa Ishiwesu, nshemwakacita ceebo cakushoma muli Jesu, mbomwakasebensa cankusu ceebo cakumusuna alimwi ambomutoolangila Jesu Mwaami wesu cakutaboola pesule.

Bene Galatiya 5:13

Mwebo nobamakwesu, Lesa wakamwiita kwaamba ayi mwaanguluke. Anu amucenjele kwaamba ayi lwaanguluko ulu lutamulengeshi kwikala buumi bwa kubisha, sombi mucafwane womwi awomwi mulusuno.

1 Bene Kolinto 15:2

Mulapulushikwa kulilabo na mwacatisha Makani Abotu ayo ngondakamushimikila. Cabula boobo ngayi lushomo lwanu taaku mbolubete.

Milimo ya Batumwi 15:9

Taakwe kuboneshaawo bupusano pakati pali ndiswe ambabo mukwiinga wakasalasha myoyo yabo abalo ceebo bakashoma.

Jemusi 2:16

umwi pakati kanu na wamwaambila ayi, “Lesa akupe coolwe ucane shakulifweka acakulya,” sombi wabula kumupa shiyandika, ino ici inga camucafwanshi?

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.

Milimo ya Batumwi 8:13

Alakwe Simoni wakashoma akubombekwa. Lyalo wakalinga kweendabo aFilipo ceebo wakakankamana ndyaakabona shitondesho sha nkusu sha kwiculu ashaankamiko nshaakalinga kucita.

Jelemiya 7:8

“Sombi amubone, mwebo mwacinka manungo mumaswi akubeca atacite ncito.

1 Bene Kolinto 16:22

Na kuli muntu utasuni Mwaami Jesu, aashinganishikwe! Malanata! Nkokwaamba ayi, “NoBaami besu, kamwisa!”

Bene Loma 2:25

Na ulacita kweelana abwaamba Milawo, ingayi kupalulwa kwako kulibo kabotu. Sombi na tooikonkeli, nkokwaamba ayi kupalulwa kwako taaku mbokubete.

Luka 3:11

Lakwe wakabakumbula ayi, “Uyo ucite shakufwala shobilo apeewo comwi mubye utacite. Alakwe ucite shakulya acite bweenka ubo.”

Jemusi 1:16

Mutanoocenjeekwa nobamakwesu basunikwi!