Jemusi 1:24 - Baibo Busansulushi Bwa Libuku Ili

²⁴ Na wamanabo kulibona akuswaawo, ciindi ceenka ico waluba mbwaaboneka.

Jemusi 1:24 Referans Kwoze

2 Pita 3:11

Ono na shintu shoonse shilaakunyonyooka boobo, ino mulyeelete kuba bantu bali buyani? Ncakwiila mulyeelete kuba bantu basalalite bakonkela kuyanda kwakwe Lesa.

Luka 7:39

Lyalo muFalisi ulya wakeeta Jesu ndyaakabona bobulya, wakalyaamboosha ayi, “Muntu uyu naalinga mulaluki wancinencine naashiba mbwaabete mwanakashi uyu utoomucata mukwiinga ngumucita shibi.”

Luka 1:66

Bantu boonse bakanyumfwa cikani ici bakalinga kuciyeeya mumyoyo akuliipusha ayi, “Mwaana uyu ulaakubanshi?” Mukwiinga cakaboneka ayi nkusu shakwe Lesa shakalinga pali nguwe.

1 Bene Tesalonika 1:5

Ceebo twakamuletela Makani Abotu, cakutasebensesha maswibo, sombi ankusu sha Mushimu Usalashi alimwi cakutatonsha lushinisho lwa ngawo. Mulishi mbotwakalinga kucita nditwakalinga amwebo. Shoonse ishi ninshila shakumucafwilaamo.

Mateyo 8:27

Lyalo bashikwiiya boonse bakakankamana akwaamba ayi, “Anu ngumuntu mushobonshi uyu, cakwaamba ayi cipuupu amaaba shoonse shilamunyumfwila?”

Boomboloshi 8:18

Mpeeke wakeepusha Seba aSalimuna ayi, “Ino bantu mbomwakacaya kuTabo bakalinga kuboneka buyani?” Abalo bakakumbula ayi, “Bakoshenye amwebo, nkokwaamba ayi bakalinga kuboneka anga mbanaabaami mbuli mbomuboneka mwebo.”

Jemusi 1:23

Uyo woonse ukutikabo kutacita shaambwa mumaswi ayo, uli anga ngumuntu ulilangilisha kumeenso mucilola.

Jemusi 1:25

Milawo yakwe Lesa ililuleme alimwi ilapa lwaanguluko. Uyo woonse wiilangilisha cakuyanda kwiiya akutolelela kucita bweenka ubo alimwi cakutaluba sheesho nshaanyumfwa, sombi kushikonkela, Lesa ulaakumupa coolwe mushintu shoonse nshaacita.