Jelemiya 8:7 - Baibo Busansulushi Bwa Libuku Ili

⁷ Nkobokobo shilishi ciindi ncesheelete kuboolelamo. Ashalo mpolobe, tumimbya amatongola shilishi ciindi ncesheelete kulonga. Sombi balo bantu bangu tabeshi nsheensuni nebo neMwaami Lesa.

Jelemiya 8:7 Referans Kwoze

Isaya 1:3

Amubone ŋombe ilishi mwineyo ayalo mbongolo ilishi wiisanina. Sombi bantu bangu bene Isilaeli tabenshiiwo, ncakwiila bantu bangu tabanyumfwi.”

Isaya 5:12

Pakusekelela kwabo balalishilwa tulumbu tunene atuniini, misebe amitoolilo akunwa waini. Sombi kumilimo ya Mwaami Lesa tababikiiko amaano. Ncakwiila milimo ya maansaakwe baleesuula.

Lwiimbo lwakwe Solomoni 2:12

Maluba aboneka muluundu. Ciindi cakwiimba cashikila, akwalo kulila kwa mpolobe kwanyumfwika mucishi cesu.

Isaya 27:11

Misampi iyo na yayuma ilaponsoka. Lyalo banakashi balesa beebwesa yaya mukuba nkuni. Ceebo bantu aba tabanyumfwishishiiwo, aboobo Mulengi wabo taaciteewo coopa nkoye nabi nkumbu pali mbabo

Sekaliya 5:9

Kuswawaawo ndakabona banakashi bobilo kabesa cuulukila nkondakalingila. Bakalinga kucite mapapaminwa ayumu bweenka mbuli a nkobokobo. Banakashi aba bakabwesa mutaanga uyo akuuluka anguwo.

Jelemiya 4:22

Mwaami Lesa waamba ayi, “Bantu bangu mbaluya, tabenshiiwo. Mbaana bafwite mitwi, tabacite maano akunyumfwisha shintu. Balicibwenebo kucita shibiibi, sombi kucita shibotu kulabaalila.”

Jelemiya 5:6

Paceebo ceeco nkalamu ya muluundu ilaakubacaya. Baumpe bamuluyanga balaakumana kubasansoola. Shiluwe ulaakubabelamina pafwaafwi amandabalaabo ayi asutoole mutupanshapansha uyo woonse weshi aswite pansengwe mukwiinga bwaashu bwabo bwakomena alimwi akuboola pesule kwabo kwakomenesha.

Abakuku 1:4

Milawo yamana nkusu. Koombolosha cakutanyengelela kwamana. Bamucita shibi batoolita masuku pamitwi ya baluleme. Munshila iyo koombolosha cakutanyengelela kwasendama.