Biblia Todo Logo
Bib sou entènèt

- Piblisite -




Jelemiya 7:9 - Baibo Busansulushi Bwa Libuku Ili

9 Mwebo muleepa, mulacaya bantu, mulacita bulale, mulabeca nabi mwashomesha cakulumbila, mulatentela Baali tununkila kabotu akulambila balesa abo mbomwatakalinga kwishiiwo.

Gade chapit la Kopi




Jelemiya 7:9
46 Referans Kwoze  

Amucileeke kulita masuku pamitwi ya baswamashi, banabanshiwa alimwi abamukalubinje. Amucileeke kucaya bantu batacite milandu mucishi cino. Amucileeke kulambila balesa bamwi mukwiinga ico inga camulengesha kunyonyooka.


“Utalambili Lesa aumwi, sombibo ndime.


“Nebo neMwaami Lesa Shinkusu shoonse uyo wakamushanga ndaamba ayi mukapolelwe mapensho. Ndacita boobo ceebo mwebo nobene Isilaeli anobene Juda mwakacita shibiibi akusonkomona bukali bwangu kwiinda mukutentela Baali tununkila kabotu.”


Mwebo nobene Juda mulicite balesa banu baanji bweenka bubete mandabalaanu. Shipaililo nshemwakayaka shakutentelawo tununkila kabotu kuli Baali, lesa uyo ulensha bunya, nshiinji bweenka mbuli mikwakwa ya muJelusalemu.’


Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.


Elija wakaya kubantu akwaamba ayi, “Ino mutootola ciindi cilaamfu buyani kwaamba ayi musale ca maano? Na Mwaami Lesa ngoLesa walushinisho, kamumulambila, sombi na Baali ngoLesa kamumulambila!” Bantu boonse taakuuwo ncebakaamba.


Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”


Soonse tulishi kwaamba ayi Lesa uloombolosha mubululami bantu bacita shibiibi sha mushobo uyu.


Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.


Ndaakunyonyoola baabo batanta pashiluli akulambila mimuni ya mwiculu. Ndaakunyonyoola abaabo balambila akushomesha kunyumfwila ndime neMwaami Lesa, sombi pesule balumbila muliina lyakwe Moleki lesa wakubeca.


Sombi baishi balaakufwita shibiibi shabo beene ceebo bakalinga kucenjeeka, kupamba akucita shintu shibiibi pakati ka bene mishaabo.


ceebo ca shibiibi nshebakacita. Bakasonkomona bukali bwangu mukwiinga bakalinga kutentela balesa bamwi tununkila kabotu akubalambila, ee, balesa abo, balo, webo nabi bamashali bako bakulukulu mbobatakalinga kwishi.


akwiitenta mumulilo. Balaakwiitenta pantu pomwi amaanda ayo bantu ngobakalinga kusonkomwetawo bukali bwangu kwiinda mukutenta tununkila kabotu kuli Baali peculu lya shiluli alimwi akutilila balesa bamwi shipo sha shakunwa.


Bamucita shibi abo bakakaka kunyumfwila maswi angu. Bakakonkela bushicimpamya bwa myoyo yabo akuya mukusebensela akulambila balesa bamwi. Paceebo ceeco balaakuba bweenka mbuli laamba uyu utacite ncito napaceyuubo.


Ciindi bantu ndibakasala balesa beensu, ayalo nkondo yakabashikila. Tekwakalinga kuboneka lisumo nabi buta pakati ka bantu bali 40,000 ba kuIsilaeli.


Bakabenga milambu kubalesa abo bateshi bancinencine, balesa mbobatakalinga kwishi, balesa bapya, abo bamashali babo mbobatakwe kulemekaawo.


Amucileeke kuleta milambu yanu itacite ncito! Atwalo tununkila kabotu twanu tulamfundoosha kumoyo. Kusekelela kwanu kwa bushiku butaanshi bwa mweenshi, inshiku shanu shakookesha sha Cibelu alimwi akubungana kumwi koonse, nshishisuni. Shoonse shabica ceebo ca shibiibi shanu.


Balanambila mashiku amalumwi, balaboneka anga balisunishi kwishiba nshila shangu. Balalibonesha anga ngumushobo ucita shiluleme uyo utana kufutatilaawo milawo yangu neLesa wabo. Ee, balalibonesha anga balisuminite kukonkela milawo yangu. Balaamba ayi balisuni koombolosha kululeme alimwi ayi balisunishi kwaamba ayi nsene pafwaafwi ambabo.


Ndaakupa mulandu bantu bangu ceebo ca bubi bwabo bwakunsuula mukunootentela balesa babo tununkila kabotu amukulambila shakapanga maansaabo beene.


Ono Mwaami Lesa weepusha ayi, “Ino inga ndalekelela buyani shibiibi shanu? Bana banu bakansuula akutalika kulambila balesa bateshi bancinencine. Ndakalinga kubapa shoonse nshebakalinga kusuni, sombi bakatolelela kucita bufuule akusowa ciindi cabo mumaanda a bafuule.


Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.


Ndaakucita boobo mukwiinga bakansuula akulengesha musena uyu kuba wa balesa beensu. Bakatentelamo milambu kubalesa abo balo, bamashali babo bakulukulu nabi bamaami bene Juda mbobatakalinga kwishi. Musena uno bausushabo bulowa bwa bantu batacite milandu.


Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.


Sa mwaluba shibiibi shakacita bamashali banu bakulukulu, bamaami abamakaabo, mwebo abamakaanu mucishi ca Juda amumikwakwa ya muJelusalemu?


Mucishi ca Moabu ndaakukasha baabo babenga milambu kumisena yabo yakulambililaako ya patulundu akutenta tununkila kabotu kubalesa babo. Nebo neMwaami Lesa ndaamba.


“Aboobo nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mbweeke ubo ceebo cakwaamba ayi mwakalengesha musena wangu usalalite kutanoosalalite kweelana aMilawo kwiinda mushikoshanyo shanu amicito ilensha bunya, ndaakumunyonyoola cakutamufwitaawo nkumbu.


Bushiku bweenka ubo mbobakabenga bana babo ayi ngumulambu kushibumbwabumbwa, bakesa kuŊanda yangu akwiibisha.


Ndaakubapa mulandu ceebo ca shiindi nshebakatentela Baali tununkila kabotu. Bakalifwalika ninga abulungu bwamakwebo akuya cikonkela basunikwi babo, sombi nebo bakandubaako. Nebo neMwaami Lesa ndaamba.


Ono bweenka bacayi mbobabelamina bamwi muluundu, mbweeke ubo bapailishi mbobalibunganya akucita. Abalo balacaya bamwi munshila iya kuShekemu. Ncakwiila balacita shibiibi shilensha nsoni abuumbi.


Kamutenta cimaande ayi ncipo cakulumba akulilumbaisha pashipo shanu shakulyaaba. Kamulisumpulabo pali nshisho nobene Isilaeli mukwiinga mwebo isho nsheshintu nshemusuni kucita. Nebo neMwaami Lesa Shinkusu shoonse ndaamba.”


“Nabi balaamba ayi, ‘Bweenka mbocibete lushinisho ayi Mwaami Lesa ngumuumi,’ sombi bacilumbilabo shabubeshi.”


“Ono lwiita bene Isilaeli ayi nebo neMwaami Lesa Shinkusu shoonse ndaamba ayi, ‘Sa amwebo mutooyanda kulibisha anga mbamashali banu bakulukulu akubika myoyo yanu kushibumbwabumbwa shabo shilensha nsoni?


Swiv nou:

Piblisite


Piblisite