Jelemiya 7:16 - Baibo Busansulushi Bwa Libuku Ili

¹⁶ Mwaami Lesa waamba ayi, “Aboobo Jelemiya utapaililiiko bantu aba. Utabasengeliiko cakubalililaako. Utabakombeleliiko kuli ndime mukwiinga teshi nkunyumfwileewo.

Jelemiya 7:16 Referans Kwoze

Jelemiya 11:14

“Ono Jelemiya utapaililiiko bantu aba. Utabasengeliiko nabi kubakombelelako ayi mbafwite nkumbu ceebo paciindi baakuba mumapensho teshi nkabanyumfwewo baakunjita.”

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Kulonga 32:10

Ono uteeleshi kunkasha. Ndakalala abuumbi ceebo ca bantu abo, aboobo ntoobanyonyoola. Kuswawaawo ndaakulengesha webo alimwi abamulunyungu lwako kuba mushobo unene abuumbi.”

Jelemiya 18:20

Sa cintu cibotu inga calambulwa ashibiibi? Nakubi boobo balo bankabila cilindi ayi ngwiteemo. Amuyeeye kwaamba ayi ndakeemikana kunembo lyanu akubaambililako ayi mukushe bukali bwanu pali mbabo.

Isaya 1:15

“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.

1 Joni 5:16

Ono na umwi wabona mubye kaacita cibiibi citatoli kulufu, amupailileeko kwaamba ayi Lesa amupe buumi. Ntokwaambabo bacita shibiibi shitatoli kulufu. Sombi nkocili cibiibi citola kulufu, aboobo nshintokwaamba ayi inga wapailila mubye pali ncico.

Mika 3:4

Ciindi cilaakushika ndyeshi mukalilile Mwaami Lesa, sombi lakwe ulaakukaka kumucafwa. Teshi akakutike kumipailo yanu ceebo ca bubi mbomwakacita.”

Dutolonomi 9:14

Ono bulya uteeleshi kunkasha. Ntooyeeya kubanyonyoola kwaamba ayi kukabule aubeebaluka alimwi. Lyalo ndaakulengesha ayi webo ube mushali wa mushobo unene alimwi ucite nkusu kwiinda wa baaba.’

2 Samwelo 8:18

Wakalinga munene wa beshikulindilila Defedi nguBenaya mwanaakwe Jeoiyada. Beshikupandako maano mwaami Defedi bakalinga mbana bakwe basankwa mwiine.

Jelemiya 7:17

Sa shintu nshebatoocita mumandabala a mucishi ca Juda amumikwakwa ya ndabala inene ya Jelusalemu tooshibwene?

Jelemiya 15:6

Mwebo mwakankaka, ncakwiila mulicitekobo kuboola pesule. Aboobo ndaakumucata akumunyonyoola. Teshi nkamufwitewo nkumbu tubili.

Jelemiya 4:28

Aboobo cishi cilaakulila, alyalo liculu lilaakushiya. Ndakaamba kale, teshi nkaboole pesule. Ici ndakacaamba kale, teshi nkabooshemo moyo, sobwe.”