Jelemiya 6:6 - Baibo Busansulushi Bwa Libuku Ili

⁶ Mwaami Lesa Shinkusu shoonse utokwaamba ayi, “Amuteme shisamu muyake cakutantaawo pakulwana ayi ndabala ya Jelusalemu twiishinguluke. Ndabala iyi ilyeelete kupekwa mulandu ceebo iliswitebo kulyatililana.

Jelemiya 6:6 Referans Kwoze

Jelemiya 32:24

“Bene Babiloni bapanga shitunta shakutantilaawo pakulwana kushingulusha ndabala inene ayi beekoome. Ono kwiinda munkondo, nsala amwaalu, ndabala inene iyi ilaakwaabwa mumaansaabo. Nkokwaamba ayi makani oonse ngomwakaamba nobaLesa ngalushinisho.

Luka 19:43

Ciindi cilaakushika balwani bako ndyeshi bakashingulushe lilinga akukushinkila koonse koonse ayi ubule pakucicila.

Isaya 37:33

“Aboobo pamwaami wa bene Asilya, Mwaami Lesa waamba ayi, ‘Teshi akenjilewo mundabala inene ino, nabi kuwaala mufwi muno nabi womwi. Teshi akese aliyawo kundabala inene ino nabi kushingulusha mukuti wakutantilaawo kulubumbu.

Jelemiya 22:17

Sombi mwebo meenso anu amyoyo yanu ilibo kumpindu yakucana kwiinda mubwiipi, kutila bulowa bwa bantu batacite mulandu, alimwi amukulyatilila akupensha bantu.”

Jelemiya 32:31

Bantu bamundabala inene ino bakasonkomona bukali bwangu akunkalasha kuswabo bushiku mbobakeeyaka. Aboobo ndipingite kwiinyonyoola

Jelemiya 33:4

Ono pamaanda a muJelusalemu alimwi amaanda a bwaami a muJuda ayo akapwaikwa ayi bayake lubumbu lwakushinkila bene Babiloni abo bakapanga citunta cakutantaawo pakulwana, nebo neMwaami Lesa, Lesa wa bene Isilaeli ndaamba ayi,

Esekelo 4:2

Wamanisha ubikeeko shisebensesha balwani pakushinguluka ndabala. Ukabe shilindi, uyakeko citunta cakutantaawo pakulwana, akuyaka misumba ya balwani alimwi akwiishingulusha minkulwa yakupwaishako lubumbu.

Esekelo 5:5

Mwaami Lesa Shinkusu shoonse waamba ayi, “Iyi nindabala ya Jelusalemu iyo njendakabika pakati ka cishi ca panshi coonse. Ncakwiila mishobo imwi yoonse iliishingulukite.

Danyelo 11:15

Lyalo mwaami wa bene Silya ulaakuyaka citunta cakutantaawo pakulwana kushinguluka ndabala icite lilinga akwiikoma. Bashilumamba bene Ijipiti teshi bakatolelele kulwana. Bashilumamba beendaawo kucishiba kulwana pakati kabo balaakubula nkusu shakwiimikana.

Sefaniya 3:1

Mapensho kubene Jelusalemu abo balyatilila babyaabo, ee, kuJelusalemu ndabala yaashu itasalalite!

Jelemiya 5:9

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Jelemiya 5:29

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Jelemiya 20:8

Ciindi coonse na ndaamba, ndoolobesha kwaambilisha makani a kupenshekwa alimwi akunyonyoolwa. Aboobo maswi a Mwaami Lesa anengesha kucobolwa akusekwa lilaya mukwipila.

Jelemiya 39:1

Mumwaaka wasanu ayone wa bwaami bwakwe Sedekiya mwaami wa bene Juda, mumweenshi wa likumi, Nebukadinesa mwaami wa bene Babiloni wakanyamuka alikoto lyakwe lyoonse lya bashilumamba akushinguluka ndabala ya Jelusalemu ayi beelwaane.