Jelemiya 6:22 - Baibo Busansulushi Bwa Libuku Ili

²² Mwaami Lesa waamba ayi, “Amubone likoto lya bashilumamba litooswa kucishi cakumatwa, ee, mushobo uyumu abuumbi wa kweela cishi ca panshi utoosonkomonwa.

Jelemiya 6:22 Referans Kwoze

Jelemiya 10:22

Amunyumfwe, kwesa nkombe ayi kutoosa shimfulunganya shinene abuumbi kuswa kucishi ca kumatwa. Likoto lya bashilumamba lya cishi ico lilaakulengesha mandabala a kuJuda kuba matongo umo mwikalabo bamwaaba.”

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 6:1

“Amucice kwaamba ayi mupuluke mwebo nobene Benjameni! Amucice muswe muJelusalemu! Amulishe lupeenga muTekowa! Amushimpike mbembela ya nkondo muBeti Akelemu ceebo mapensho atooswita kumatwa, ee, kunyonyoolwa kunene abuumbi.

Jelemiya 5:15

Mwebo nobene Isilaeli, ntooleta mushobo kuswa kushishi shakulaale kwisa mukumulwana. Ee, ntooleta mushobo ukulukulu ucite nkusu. Ngumushobo wa bantu baamba mulaka ngomuteshi alimwi bacite myaambo njemutanyumfwi.

Dutolonomi 28:49

Mwaami Lesa ulaakumuletela mushobo umwi kuswa kweela cishi uyo weshi ukese mukumulwana, acishobo cabo teshi mukanoocinyumfwaawo. Balaakwiindililabo kumufukukila anga ngumumbankwashi.

Neyemiya 1:9

Sombi na mukasandukile kuli ndime akukonkela milawo yangu, ndaakumuboosha mumusena ngondakasala ayi noolambililwa nabi bantu banu bamwi bali mushishi sha busha shili kulaamfu.’

Jelemiya 4:6

Amulishe mapeenga kulwiita bantu ayi bacicile kuSiyoni. Amucice bweenka bulya cakutacelwa kwaamba ayi mupuluke ceebo ntooleta mapensho abiibi kuswa kumatwa ee, ntooleta kunyonyoolwa kuyoosha.”

Jelemiya 13:20

Ansha amwiinamuke mubone balwani banu batooswa kumatwa. Ino litanga ndyemwakapekwa ayi kamweembela lili kuli? Ee, shili kuli mbelele isho nshemwakalinga kutwangila?

Jelemiya 47:2

Mwaami Lesa waamba ayi, “Amubone maanshi mbwaatoonyamooka kumatwa. Alaakunookunkabo anga ngumulonga wasefuka. Ncakwiila alaakufwekelesha cishi ashintu shoonse shiliimo, mandabala abantu abo bekalaamo. Bantu balaakulila, boonse bekala mucishi ico balaakulila cakoolobesha.

Esekelo 21:31

Ndaakumupoomweta bukali bwangu buyoosha akumukalalila cabukali. Ndaakumwaaba kubantu beshilunkutwe abo beshi kabotu bwakunyonyoola.

Jelemiya 4:16

Litokwaamba ayi, “Amulwiite mishobo akwaambila ndabala ya Jelusalemu ayi, ‘Likoto lya bashilumamba beshikushinkila batoosa kuswa kucishi cakulaale. Bantu aba balaakunokoolobesha pakulwana mandabala a muJuda.

Jelemiya 5:16

Mifwi ya mushipokolo shabo ilacaya bantu baanji baanji. Bashilumamba abo boonse mbayumu abuumbi.

Jelemiya 25:32

Mwaami Lesa Shinkusu shoonse waamba ayi, “Amulange! Mapensho atooya cimwaikabo kuswa kumushobo amushobo. Cipuupu cinene caswita kweela cishi ca panshi.”

Jelemiya 30:5

“Kulila kwa boowa kutoonyumfwika. Ncakwiila nkulila kwa kuloondesha kuteshi kwa luumuno, sobwe.

Esekelo 23:22

“Nebo neMwaami Lesa Shinkusu shoonse ndaamba ayi, ‘Webo Ooliba, ndaakusonkomona basunikwi bako abo mbowakashiya koocimitwe akubaleta ayi bakulwaane kuswa kumbasu shoonse.

Abakuku 1:6

Ntoonyamuna bene Babiloni, ee, bantu balya bakali alimwi batacite nkumbu. Mbantu abo bamana cishi coonse kweenda kwaamba ayi bakome misena iteshi yabo.