Jelemiya 6:20 - Baibo Busansulushi Bwa Libuku Ili

²⁰ Anu nimpindunshi iliimo mutununkila kabotu pakutenta twa kuSheba nabi tununkila kabotu mubuyani tuswa kucishi cakulaamfu? Milambu yanu yakutenta nshiitambuliiwo, sobwe. Ncakwiila milambu yanu teensangalashiiwo.”

Jelemiya 6:20 Referans Kwoze

Isaya 1:11

Mwaami Lesa waamba ayi, “Anu mutooyeeya ayi milwi milwi ya milambu njemupa nciinshi kuli ndime? Milambu yakutenta yancima, ee, milambu ya mbelele shisankwa aya mafuta a shifubwa shakeenishikwa yancima. Bulowa bwa bacende, mbelele alimwi abwa mpongo bwacileka kunsangalasha.

Isaya 60:6

Matanga angamela alaakususha cishi canu, ngamela shiniininiini sha kuMidyani akuEfa. Boonse ba kuSheba balaakwisa, balaakunoosa agolodi alimwi atununkila kabotu pakutenta. Nebo neMwaami Lesa, bantu abo balaakunumba amaswi apeculu.

Kulumbaisha 40:6

Mwebo tamusangalalili mumilambu nabi mushipo. Milambu yakutenta nabi yakumana shibiibi tamucite asho ncito. Sombi nebo mwakampa matwi akunyumfwila ndimwe.

Isaya 66:3

Sombi bantu batola nshila shabo. Kuli mbabo tacipuseneewo kubenga mucende akubenga muntu ayi ngumulambu. Tacipuseneewo balo kubenga mwanaambelele akubenga kabwa ayi ngumulambu. Tacipuseneewo kupa cipo ca shili anga ngamaila akubenga bulowa bwa nkumba. Tacipuseneewo kupa cipo ca tununkila kabotu twaciibalusho alimwi akupaila kushibumbwabumbwa.

Kulonga 30:23

“Ukabwese mafuta eendaawo kununkila kabotu, makilogilamu a mafuta eetwa ayi mule ali 6, makilogilamu a mafuta anunkila kabotu eetwa ayi sinamoni ali 3, makilogilamu a mafuta anunkila kabotu eetwa ayi keni ali 3

Esekelo 27:22

“ ‘Beshimakwebo ba kuSheba aLaama bakalinga kuleta tununkila kabotu mubuyani twiindaawo kubota, mabwe amakwebo alimwi agolodi mukushintana amakwebo ako.

Esekelo 20:39

“Nebo neMwaami Lesa Shinkusu shoonse ndaamba ayi, ‘Mwebo nobene Isilaeli noonse, kamuya mukasebensele shibumbwabumbwa shanu! Sombi pesule mulaakunyumfwila alimwi teshi mukacobolewo tubili liina lyangu lisalalite mukupa shipo kushibumbwabumbwa shanu.

Kulumbaisha 66:3

Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

1 Baami 10:10

Mpeeke wakapa mwaami Solomoni shipo isho nshaakaleta. Wakamupa makilogilamu a golodi ali 4,000 akuya peculu pantu pomwi atununkila kabotu mubuyani ashakulibotesha shamakwebo. Mweelo wa tununkila kabotu uto twakamupa mwaami mwanakashi wa kuShiba, wakeendaawo kukomena pawooyo wa tooto ntwaakatambulaawo kale.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Tushimpi 21:27

Mulambu wa bamucita shibi Lesa tausuniiwo. Ino mbuyani walo uyo ngobabenga amyoyo yobilo?

Jelemiya 14:10

Mwaami Lesa waamba makani aya pabantu aba ayi, “Balisuni bunene kwiingaila. Tabalitibukiiwo napaceyi. Aboobo nebo neMwaami Lesa ndabakaka. Ono ntokwiibaluka bubi bwabo akubapa mulandu ceebo ca shibiibi shabo.”

Jelemiya 14:12

Nabi bakalikashe kulya, kulila kwabo teshi nkakunyumfweewo. Nabi bakabenge milambu yabo yakutenta akupa shipo sha fulaulo teshi nkashitambulewo, sobwe. Sombi ndaakubanyonyoola kunkondo, nsala alimwi akumwaalu.”

Osiya 8:13

Balabenga milambu kuli ndime akulya nyama ya njiyo. Sombi nebo neMwaami Lesa mumilambu iyo nshisangalaliliimo. Ono bulya ntokwiibaluka shibiibi shabo akubapa mulandu ceebo ca nshisho. Ndaakubaboosha kucishi ca Ijipiti.

Osiya 9:4

Teshi mukanoopawo shipo sha shakunwa kuMwaami Lesa. Ayalo milambu yanu teshi ikanoomusangalashaawo napaceyi. Kuli ndimwe milambu yanu iyo ilaakunoobabo anga ncakulya ca pamalilo. Ncakwiila boonse balyaako balaakulengeshekwa kutanoosalalite kweelana aMilawo. Cakulya canu cilaakunoolibo ca mafumo anu, kuteshi kuletwa amuŊanda ya Mwaami Lesa.

2 Samwelo 15:12

Lyalo Abusalomu ndyaakalinga kubenga milambu, wakatumina nkombe Ayitofelo, shikupandako maano Defedi, ayi alakwe ese kuswa kuGilo, ndabala ine mishaabo. Munshila iyo miyeeyo yakwe Abusalomu yakubukila bwaami yakalinga kuya cishimpa, abalo beshikumukonkela bakalinga kuya cifula.

Malaki 1:10

Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.