Jelemiya 6:12 - Baibo Busansulushi Bwa Libuku Ili

¹² Maandaabo alaakupekwa kubantu bamwi pantu pomwi amyuunda yabo alimwi abamakaabo. Ico cilaakucitika na nkafungulule lyaansa kuuma babo bekala mucishi.

Jelemiya 6:12 Referans Kwoze

Jelemiya 8:10

Paceebo ceeco, bamakaabo ndaakubapa kubasankwa bamwi, ayalo myuunda yabo kubantu bamwi. Kutalikilabo kumuntubo kushika kubalemekwa, boonse beenka basuni kubilila mubwiipi. Balaluki abapailishi boonse abalo mbeshikubeca.

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Sefaniya 1:13

Buboni bwabo bulaakumana kusaalwa. Maandaabo alaakupwayoolwa. Ncakwiila balaakuyaka maanda sombi teshi bakekaleemo. Balaakulima minyansa, sombi teshi bakanweewo waini.”

Malilo 5:11

Bamakeesu batookumanishikwa cakubakakatisha paKalundu ka Siyoni. Abalo bamyooye mumandabala oonse a mucishi ca Juda cililo cankumo ncimwi.

Malilo 5:3

Twaba bamucaala batacite bamaishiwabo, bamanyinawesu bacaala bumukalubinje.

Malilo 3:3

Ndushinisho wakanguma lyobilo lyobilo. Ee, wakanguma cakubula kunyumfwila nkumbu.

Malilo 2:8

Mwaami Lesa wakashinisha kumwayoola lubumbu lwa ndabala ya Siyoni. Wakafungulula lutambo lwa kulupimishaako. Wakalupima kwaamba ayi alunyonyoole cakumaninina. Maanda alaamfu alubumbu shoonse shakanyonyokela pomwi.

Jelemiya 38:22

Banakashi boonse abo bakacaala kuŋanda ya mwaami wa bene Juda balaakuletwa kubamatanjilili ba bashilumamba ba mwaami wa bene Babiloni. Lyalo banakashi abo balaakumwaambila ayi, ‘Bakamupilinganya akumukoma babyaanu abo mbomushoma. Ono sunu myeendo yanu yepila mumatipa, babyaanu bamupalangana.’ ”

Isaya 10:4

Ncakwiila mulaakucaikwa munkondo nabi kutolwa busha. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 9:21

Bene Manase abene Efuleemu babukilana beene abeene. Kuswawaawo bacatana pomwi akulwana bene Juda. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 9:17

Paceebo ceeco Mwaami Lesa teshi akakondwe abacikula bwangu babo alimwi teshi akafwitewo nkumbu bamukalubinje banakashi nabi bana banshiwa babo. Mukwiinga bantu boonse baba bamucita shibi alimwi tabalemeki Lesa. Pamilomo yoonse palaswabo maswi abiibi. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 9:12

Kwicwe bene Silya akumbo bene Filisiti, boonse bakalakama kwaamba ayi bamine bene Isilaeli. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

1 Makani 21:16

Defedi wakabona munjelo wakalinga kwiimfwi muluuwobo alimwi wakalinga kucite mupeeni mulyaansa lyakwe kaalibambite kunyonyoola Jelusalemu. Lyalo Defedi abamaloba abo boonse bakalinga kufwete masaka, bakafukama cakushisha shiwa panshi.

Jelemiya 7:20

Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.

Jelemiya 15:6

Mwebo mwakankaka, ncakwiila mulicitekobo kuboola pesule. Aboobo ndaakumucata akumunyonyoola. Teshi nkamufwitewo nkumbu tubili.

Jelemiya 21:5

Lyalo ndaakumulwana nebo nemwiine alyaansa litandabikitwe licite nkusu shiinji mubukali bwangu buyoosha amubukali bwangu bwa mishobo umwi bwiindaawo.

Jelemiya 38:23

Kuswawaawo ndakaamba ayi, “Bamakaanu boonse alimwi abana banu balaakutolwa busha kubene Babiloni. Mwebo nobeene teshi mukalobokeewo kuswa mumaansaabo. Sombi mulaakucatwa kumwaami wa bene Babiloni alimwi ndabala inene ino ilaakutentwa cakumaninina.”

Esekelo 35:3

nebo neMwaami Lesa Shinkusu shoonse ndaamba ayi, ‘Webo oKalundu ka Siya, ntookulwana. Ndaakutambika lyaansa lyangu akukulengesha kuba luyanga.

Mika 2:4

Pabushiku ubo bantu balaakumuseka. Balaakumupensha alwiimbo ulu lwabuumba lwakwaamba ayi, ‘Twanyonyoolwa cakumaninina. Mwaami Lesa watunyaya cishi ncaakatupa akucipa kubaabo bakatutola busha.’ ”

Sefaniya 1:4

“Ndaakufungulula lyaansa lyangu mukupa mulandu bene Jelusalemu ee, mukupa mulandu bene Juda boonse. Ndaakunyonyoola boonse beshibakacaaleewo balambila Baali mumusena uyo. Ncakwiila ndaakunyonyoola abapailishi bakwe Baali boonse cakwaamba ayi kukabule ubeebaluka tubili.

Malilo 5:2

Buboni bwesu babutola baswamashi, ee, maandeesu abwesekwa abaswamashi.

Esekelo 7:24

Ndaakuleta mishobo iindaawo kubica kwisa mukubwesa maandaanu. Ndaakumanisha kulisumpula kwa beshinkusu alimwi amisena yanu isalalite ilaakubishikwa.