Jelemiya 52:8 - Baibo Busansulushi Bwa Libuku Ili

⁸ Sombi bashilumamba bene Babiloni bakakonkela mwaami Sedekiya akumweensha kumawesa a Jeliko. Lyalo bashilumamba boonse bakamushiya eenka, mpeeke wakacatwa.

Jelemiya 52:8 Referans Kwoze

Jelemiya 38:23

Kuswawaawo ndakaamba ayi, “Bamakaanu boonse alimwi abana banu balaakutolwa busha kubene Babiloni. Mwebo nobeene teshi mukalobokeewo kuswa mumaansaabo. Sombi mulaakucatwa kumwaami wa bene Babiloni alimwi ndabala inene ino ilaakutentwa cakumaninina.”

Jelemiya 34:21

“Lyalo ndakwaaba Sedekiya mwaami wa bene Juda abacinenenene bakwe mumaansa a balwani babo abo bafwima buumi bwabo. Ndaakubaaba kubashilumamba bene Babiloni abo bakacileka kumulwana.

Jelemiya 32:4

Mwaami Sedekiya teshi akapulukewo. Ulaakwaabwa mumaansa a mwaami wa bene Babiloni alimwi ulaakulanganaakwe akubandikaakwe mulomo amulomo.

Jelemiya 21:7

Kuswawaawo ndaakwaaba ndiwe Sedekiya omwaami wa bene Juda, bacinenenene bako abantu bamundabala ino abo beshi bakapuluke kumwaalu, nkondo alimwi ansala kuli Nebukadinesa mwaami wa kuBabiloni akubalwani banu basuni kumucaya. Nebukadinesa ulaakubacaya munkondo, teshi akabafwitewo luse nabi nkumbu.’ Nebo neMwaami Lesa ndaamba.”

Jelemiya 39:5

Sombi bashilumamba bene Babiloni bakabakonkela akucata Sedekiya kumawesa a Jeliko. Mpomunyaawo Sedekiya bakamutola kumwaami Nebukadinesa uyo wakalinga mundabala inene ya Libula mucishi ca Amati. Uko Nebukadinesa wakamupa mulandu.

Jelemiya 37:18

Mpomunyaawo ndakeepusha mwaami ayi, “Ino ngumulandunshi ngondabishila ndimwe, bacinenenene banu nabi bantu aba ngomwambikila muntolongo?

Jelemiya 37:17

Mpeeke mwaami Sedekiya wakatuma bantu kwisa mukumbwesa ayi bantole kuŋanda yakwe ya bwaami. Lyalo mwaami wakanjipusha kweela ayi, “Sa kuliwo maswi aswa kuMwaami Lesa?” Nebo ndakamukumbula ayi, “Ee, nkwaali. Mwebo mulaakwaabwa mumaansa a mwaami wa bene Babiloni.”