Jelemiya 51:36 - Baibo Busansulushi Bwa Libuku Ili

³⁶ Paceebo ceeco, Mwaami Lesa waamba ayi, “Amubone, ndaakumwiimikanina mucikani canu akuboosha cishole kuli baabo batoomupensha. Ndaakuyumya maanshi a bene Babiloni akulengesha milonga yabo kuyuminina.

Jelemiya 51:36 Referans Kwoze

Bene Loma 12:19

Nobamakwesu bubi tabeelanishi, sombi mwebo amulekelebo Lesa woombolosha akupa mulandu. Kweelana abwaamba Malembo akwe Lesa ayi, “Amubaleeke ndime mboosha shishole, ndaakubapa milandu abalo, mbwaamba Mwaami Lesa.”

Jelemiya 50:38

Cilanga acibe kumilonga ya mumo! Ayalo itooyuminwa! Cilaakucitika ceebo ncishi ca shibumbwabumbwa shiyoosha. Shibumbwabumbwa isho shakalengesha bantu kuba baluya.

Kulumbaisha 140:12

NoBaami baLesa, ndishi kwaamba ayi mulafuninina bakandu, akwiimikanina bataaku mbobabete ayi batanyengelelwi.

Isaya 44:27

Ndime neŋambilabo liswi kulweenge ayi, ‘Yuma!’ alwalo lulayuma peenka apo.

Dutolonomi 32:43

“Mwebo nomishobo yoonse, kamulumbaisha bantu ba Mwaami Lesa. Ulaakupa mulandu abo babacaya akuboosha cishole kubalwani, sombi ulalekelela bantu bakwe.”

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

Ciyubululo 16:12

Alakwe munjelo wasanu awomwi wakapukwita shakalinga mumbale yakwe ifongomene paMulonga unene wa Yufuletisi. Mulonga uyu wakayuma kwaamba ayi bamaami ba kwicwe bacane pakwiinda.

Jelemiya 51:6

“Amucice kuswa kuBabiloni! Mucice kufuna buumi bwanu! Mutanyonyooki ceebo ca shibiibi sha bene Babiloni. Cashikila ciindi cakwaamba ayi nebo neMwaami Lesa mbooshe cishole kundabala iyo. Ndaakwiipa mulandu kweelana amicito ya njiyo.

Isaya 43:14

Mwaami Lesa, Mupulushi wanu Usalalite wa bene Isilaeli waamba ayi, “Ceebo canu ndaakutuma likoto lya bashilumamba kwaamba ayi bakalwane bene Babiloni. Ndaakunyonyoola minjililo ya ndabala. Lyalo ciyobeyobe cakukondwa ca bantu bekalaamo cilaakuba kulila.

Tushimpi 23:11

ceebo Mwaami Lesa ngooshikubafuna ucite nkusu. Ncakwiila ulaakubeemikanina mumulandu wabo andiwe.

Tushimpi 22:23

Mwaami Lesa ulaakwiimikanina makani akwe akusaala buboni bwa baabo basaala buboni bwa mukandu.

Kulumbaisha 107:33

Mwaami Lesa wakasandula milonga kuba luyanga. Wakasandula tuntupu twa maanshi kuba nshi iyumu nta.

Isaya 19:5

Mulonga wa Nailo ulaakuyuminina, ee, mwiinda maanshi mulaakuyumabo nta.

Jelemiya 51:11

Mwaami Lesa waamba ayi, “Amunone masumo, mubese amayawo! Nebo neMwaami Lesa ndasonkomona bamaami bene Mediya mukwiinga ndiimfwibo pakunyonyoola Babiloni. Ndaakuboosha cishole ceebo ca Ŋanda yangu.

Osiya 13:15

Ono nabi bene Isilaeli bakanooswitilila pakati ka bamakwabo bamwi, ndaakutuma muuwo ulungula kuswa kuluyanga. Muuwo uyo ulaakuyumya tuntupu alimwi amikalo yabo. Muuwo uyo ulaakunyonyoola shintu shoonse shamakwebo mushipinda shabo shakusungilamo buboni.

Esekelo 25:14

Ndaakuboosha cishole kucishi ca Edomu kwiinda mubantu bangu bene Isilaeli. Balaakucita bene Edomu kweelana abukali bwangu buyoosha. Lyalo bene Edomu balaakwishiba mbocibete kubooshelwa cishole kuli ndime. Nebo neMwaami Lesa Shinkusu shoonse ndaamba.’ ”