Jelemiya 51:29 - Baibo Busansulushi Bwa Libuku Ili

²⁹ Cishi catenkaana akututuma ceebo nebo neMwaami Lesa ntoocita kweelana amuyeeyo wangu pacishi ca Babiloni. Ndaakucinyonyoola akucisandula kuba luyanga cakwaamba ayi kulaakubula amuntu weshi akekaleemo.

Jelemiya 51:29 Referans Kwoze

Jelemiya 51:43

Mandabala a mumo alaakuba matongo. Ncakwiila cishi ico cilaakuba matongo, cishi ciyumu nta akuba luyanga. Taaku muntu weshi akanookalaamo alimwi teshi mukanokwiinda muntu nabi womwi.

Jelemiya 8:16

Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”

Amosi 8:8

“Cishi cilaakuntenkaana ceebo ca mulandu uyu. Abalo bantu boonse bekalaamo balaakulila. Cishi coonse cilaakuyalookabo anga ngamaanshi a muMulonga wa Nailo. Ncakwiila cilaakuyalooka akuboola panshi anga ngamaanshi a mumulonga wine Ijipiti.

Jelemiya 50:45

Paceebo ceeco amunyumfwe isho nebo neMwaami Lesa nshendakapinga pabene Babiloni, munyumfwe sheesho nsheensuni kucita kubantu abo. Bana babo boonse balaakukwelanishikwa akutolwa. Ndaakunyonyoola cishi cabo.

Jelemiya 50:13

Ceebo ca bukali bwangu nebo neMwaami Lesa, taaku weshi akekale mundabala ya Babiloni tubili. Sombi ndabala ilaakubeta limwi matongo. Boonse abo beshi bakanokwiindaamo balaakuloonda akuseka pamapensho oonse eshi akacitikeemo.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Ciyubululo 18:2

Wakoolobesha ayi, “Yawa, yawa ndabala inene ya Babiloni! Yaba momwakwikala bashikaswa ba mishobo yoonse. Yaba momwakwikala shiyuni shitasalalite alimwi shilensha bunya.

Jowelo 2:10

Cishi cilatenkaana ndiceenda. Liculu alyalo lilatutuma. Lisuba amweenshi shilaboolabo mbi ashalo nyenyeenshi shilacileka kubala.

Jelemiya 50:43

Mwaami wa bene Babiloni wanyumfwa makani apali mbabo, aboobo maansaakwe atontola. Buumba bwamucata, utoonyumfwabo anga ngumwanakashi uli pankata.

Isaya 14:16

“Bafu baakukubona balaakukulangilisha akucatabo pamilomo. Balaakwiipusha ayi, ‘Sa uyu teshi ngomusankwa ulya wakatenkaanya cishi ca panshi akulengesha bamaami kututuma?

Jelemiya 50:36

Bacaikwe amupeeni balaluki bamumo babeshi! Baba baluya! Bacaikwe amupeeni bashilumamba ba mumo! Ncakwiila baliloondete abuumbi.

Jelemiya 50:46

Cishi coonse ca panshi cilaakutenkaana ceebo ca coongo ca kukomwa kwa cishi ca Babiloni. Kulila kwabo kulaakunyumfwika pakati ka mishobo imwi yoonse.”

Jelemiya 51:26

Taaku libwe nabi lyomwi lyeshi likasebenseshekwe kuyaka likonko, nabi lyeshi likabwesekwe ayi ndyakuyakisha mulwiimbi. Ncakwiila ulaakuba anga nduyanga kwalyoonse alyoonse. Nebo neMwaami Lesa ndaamba.

Jelemiya 51:28

Amubambe mishobo ayi baye mukulwana Babiloni. Amwiite bamaami bene Mediya bamatanjilili abacinenenene babo pantu pomwi amakoto a bashilumamba a mushishi nshebeendelesha.

Isaya 24:20

Cishi citootalantanta anga ngucakolwa, citootenkaana anga nkaanda kucipuupu cinene. Ncakwiila calemenwa shibiibi sha bantu ba muli ncico. Cilaakuwa cakutabukaawo tubili.

Jelemiya 51:37

Cishi ca Babiloni cilaakuba matongo umo mweshi mukanookalabo bamwaaba. Cilaakuba cintu ceelete kuloondwa akusekwa. Taaku muntu nabi womwi weshi akekaleemo.