Jelemiya 50:7 - Baibo Busansulushi Bwa Libuku Ili

⁷ Ncakwiila uyo woonse wakabacana wakabanyonyoola. Balwani babo bakalinga kwaamba ayi, ‘Swebo tatucitewo mulandu ceebo bakabishisha Mwaami Lesa uyo wakalinga kubalama, ee, Mwaami Lesa uyo bamashali babo bakulukulu, ngobakalinga kucinkitemo manungo.’

Jelemiya 50:7 Referans Kwoze

Jelemiya 14:8

Mwebo Nokulangila kwa bene Isilaeli, noBapulushi babo muciindi ca mapensho, ceebonshi mwaba anga ngumweensu mucishi cino, ncakwiila anga ngushikweenda uyo woonabo bushiku bomwi?

Jelemiya 2:3

Isilaeli wakalinga kusalalite kuMwaami Lesa. Wakalinga mbuli shisepo shitaanshi kutebulwa. Abo boonse bakamucisa ndakabapa mulandu aboobo mapensho akabashikila.’ ” Mwaami Lesa waamba.

Sekaliya 11:5

Bashuula balashicaya kwakutapekwa amulandu. Abalo balya bashuulisha balaamba ayi, ‘Aalumbaishikwe Mwaami Lesa, ndabiila!’ Nabi beembeshi ba nshisho boonse tabashifwitiiwo ankumbu.

Jelemiya 31:23

Mwaami Lesa Shinkusu shoonse, Lesa wa bene Isilaeli waamba ayi, “Ndaakumana kubaboosha kuswa mubusha, bantu ba mucishi ca Juda amumandabala a njiyo balaakutalika alimwi kusebensesha maswi akwaamba ayi, ‘Mwaami Lesa aakupe coolwe, webo Omusena ululeme wa Jelusalemu. Aape coolwe kuli ndiwe Okalundu kasalalite.’

Jelemiya 50:17

Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.

1 Timoti 1:1

Ndime Paulo mutumwi wakwe Klistu Jesu kwiinda mukuyanda kwakwe Lesa Mupulushi wesu, aKlistu Jesu apo peemfwi kulangila kwesu.

Sekaliya 1:15

Sombi ndikalalite abuumbi pamishobo iyo ishiite cakuliiba. Mukwiinga ndindakalinga kukalalite paniini pabantu bangu, bantu balo abo bakeelikaawo mapensho pali mbabo.

Danyelo 9:16

NoBaami baLesa kweelana amicito yanu iluleme amukushe bukali bwanu buyoosha pandabala ya Jelusalemu, ndabala yanu inene, ee, pakalundu kanu kasalalite. Shibiibi shesu ashilubo sha bamashali besu bakulukulu shakalengesha ndabala ya Jelusalemu abantu banu kuba cintu ceelete kushibulukwa kubantu boonse batushingulukite.

Danyelo 9:6

Tatukwe kunyumfwilawo basebenshi banu balaluki abo bakalinga kwaambila muliina lyanu kubamaami besu, baleli besu, bamashali besu bakulukulu alimwi akubantu boonse ba mucishi cesu.

Jelemiya 50:33

Mwaami Lesa Shinkusu shoonse waamba ayi, “Bene Isilaeli abene Juda balyatililwa. Abo bakabatola busha batoobalama cakutabashiila musena, ee, cakutabalekaawo ayi baloboke, sobwe.

Isaya 56:9

Mwaami Lesa waambila baswamashi ayi, “Mwebo noonse nobanyama bamuluundu, ee, mwebo noonse nobanyama bamumusaansa! Kamwisa mucate bantu aba akubakwamoona.

Isaya 47:6

Bantu bangu bakalinga bankalasha. Mpeeke ndakacita anga ndacileka kubabikaako maano. Lyalo ndakabaaba mumaansaako. Ncakwiila tookwe kubanyumfwilawo nkumbu. Wakalinga kucita shalunkutwe akubamacembele boonse.

Isaya 9:12

Kwicwe bene Silya akumbo bene Filisiti, boonse bakalakama kwaamba ayi bamine bene Isilaeli. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Kulumbaisha 91:1

Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,

Kulumbaisha 90:1

NoBaami baLesa, muli ndimwe motuyubila. Ncakwiila motuyubila mumashalane esu oonse.

Kulumbaisha 79:7

Ceebo bakalobya bamulunyungu lwakwe Jakobo. Ncakwiila bakanyonyoola cishi cabo.

Kulumbaisha 71:5

Kulangila kwangu kuli muli ndimwe noBaami baLesa bangu Beshinkusu shoonse. Ndicinkite manungo muli ndimwe kuswabo kubwanike bwangu.

Jelemiya 5:17

Balaakulya butebushi bwanu ashakulya shanu, balaakucaya bana banu basankwa abanakashi. Balaakucaya matanga a shifubwa shanu akunyonyoola minyansa amikuyu yanu. Likoto lyabo lya bashilumamba lilaakunyonyoola mandabala anu acite malinga umo momucinkite manungo.”

Jelemiya 10:25

Amutile bukali bwanu pamishobo iyi itamulambili alimwi apabantu abo bakaka ndimwe. Ceebo bakanyonyoola bamulunyungu lwakwe Jakobo. Bantu abo bakabanyonweetabo limwi akunyonyoola cishi cabo.

Jelemiya 17:13

Nobaami baLesa mwebo muli lulangilo lwa bene Isilaeli. Boonse abo bamusuula, balaakulenshekwa nsoni. Boonse abo balaakushiminganabo anga ngameena alembwa mubulongo ceebo bakamufutatila mwebo nokantupu ka buumi.

Esekelo 34:5

Aboobo shakapalangana mukwiinga kwakabula mweembeshi. Ono ndishakapalangana shakaba cakulya ca banyama ba muluundu.

Esekelo 35:12

Lyalo ndyeshi ukeshibe ayi anu nebo neMwaami Lesa ndakanyumfwa ndiwakalinga kwaamba camusebaanyo ayi tulundu twa Isilaeli nduyanga alimwi ayi twakapekwa kuli ndiwe ayi utunyonyoole.

Jelemiya 33:15

Paciindi ico ndaakusala wamulunyungu lwakwe Defedi ululeme kuba mwaami. Ulaakucita shintu shiluleme akoombolosha cakutanyengelela mucishi.

Jelemiya 33:16

Munshiku sha bweendeleshi bwakwe bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’

Jelemiya 50:14

“Amwiimikane mumisena yanu ya nkondo mushinguluke Babiloni noonse nobeshimata. Amuwaale mifwi yanu yoonse! Kutabi mifwi njeshi mushiyewo, ceebo bakabishisha nebo neMwaami Lesa.