Jelemiya 50:26 - Baibo Busansulushi Bwa Libuku Ili

²⁶ Amwise mubalwaane kuswa kulaamfu. Amupwaye maandaabo akusungilamo shakulya akubunjika shakusaala mumilwi milwi mbuli shili anga ngamaila. Mubanyonyoole cakumaninina kubule aucaalaawo.

Jelemiya 50:26 Referans Kwoze

Isaya 14:23

Musena uyo ndaakuwaalula kuba cilonga. Ulaakuba umo mweshi mukanookalabo bamwiina. Ndaakuupyanga acipyaango cakunyonyoola, Nebo neMwaami Lesa Shinkusu shoonse ndaamba.”

Jelemiya 50:10

Aboobo bene Babiloni balaakusaalwa. Boonse abo beshi bakabasaale balaakubwesa mbuli mbobasuni. Nebo neMwaami Lesa ndaamba.”

Isaya 45:3

Ndaakukupa shintu sha makwebo shishisitwe, ee, bubile buli mumisena ishiya ya bushishi kwaamba ayi ukeshibe ayi ndime Mwaami Lesa, Lesa wa bene Isilaeli uyo ukwiita liina lyako.

Ciyubululo 19:15

Mukanwa mwakaswa mupeeni ukolete wakukomeshako mishobo yoonse. Mishobo iyo ulaakuyeendelesha ankooli ya nshimbi alimwi ulaakulyatoola mwakutyanina minyansa ya bukali bwakwe Lesa Shinkusu shoonse.

Ciyubululo 14:19

Aboobo munjelo uyo wakatalika kutimbula minyansa kuswa kushisamu sha njiyo acicekeshi cakwe akwiiwaala mucilindi cakutyaninamo minyansa ya bukali bwakwe Lesa.

Mika 7:10

Balwani besu balaakushibona shoonse ishi akufwa nsoni, ee, balwani abo bakalinga kututonta ayi, “Ino uli kuli Mwaami Lesa, Lesa wanu?” Tulaakubona mbweshi bakakomwe. Balaakulyatoolwa bweenka bulyatoolwa matipa mumikwakwa.

Jelemiya 51:64

Mpomunyaawo ukaambe ayi, ‘Bweenka bulya aBabiloni mbweshi akepile cakutafumpulukawo tubili ceebo ca mapensho ayo ngweshi nkamuletele. Ncakwiila bantu bakwe boonse balaakufwa.’ ” Makani akwe Jelemiya mpwaaela peenka apa.

Jelemiya 51:44

Ndaakupa mulandu Belo, lesa wa bene Babiloni akumulengesha kushipulula nshaakamina. Mishobo ya bantu teshi ikawuumukileko tubili. “Lubumbu lwa cishi ca Babiloni lulaakuwa.

Jelemiya 50:41

“Amubone! Likoto lya bashilumamba lyaashika kuswa kumatwa. Mushobo unene abamaami baanji bacite nkusu basonkomonwa kweela cishi ca panshi.

Jelemiya 50:23

Babiloni wakapwayoola cishi coonse ca panshi anga ninsando. Ono nsando iyo yapwayoolwa njiyo cakumaninina! Mishobo imwi yoonse yakankamana kuceeco cacitika kucishi ca Babiloni.

Jelemiya 50:15

Amucite ciyobeyobe ca nkondo kumbasu shoonse! Bene Babiloni balyaaba mumaansa a balwani, maandaabo alaamfu awa amalinga abo amwayoolwa. Mukwiinga uku nkuboosha cishole kwangu nebo neMwaami Lesa, amubabooshele cishole. Amubacitile bweenka mbobakacitila babyaabo.

Jelemiya 50:13

Ceebo ca bukali bwangu nebo neMwaami Lesa, taaku weshi akekale mundabala ya Babiloni tubili. Sombi ndabala ilaakubeta limwi matongo. Boonse abo beshi bakanokwiindaamo balaakuloonda akuseka pamapensho oonse eshi akacitikeemo.

Isaya 25:10

Mwaami Lesa ulaakufuna Kalundu ka Siyoni, sombi bene Moabu ulaakubalyatoola bweenka bucitwa bwiisu mumboleshi.

Isaya 10:6

Asilya, ndiwe ndakatuma kuya mukulwana mushobo utalemeki ndime neLesa, mushobo uyo wakankalasha. Ndiwe ndakatuma kuya mukusaala buboni bwabo akubalyatoola anga ngamatombe mumikwakwa.”

Isaya 5:26

Ono Mwaami Lesa ulaakunyamuna mbembela mwiculu akwiita mishobo ili kulaale. Bantu abo ulaakubalishisha muloshi kwaamba ayi bese kuswa kweela cishi. Ncakwiila abalo balaakwisa cakufwambaana abuumbi.

Mateyo 6:26

Amubone bayuni, tabashangi, tabatebuli nabi kubika mumatala. Nakubi boobo Ishiwanu uli kwiculu ulabasanina. Sa mwebo tamuyandiki kwiinda bayuni?