Jelemiya 50:1 - Baibo Busansulushi Bwa Libuku Ili

¹ Pacishi ca Babiloni abantu bekalaamo, Mwaami Lesa wakaamba maswi aya kwiinda muli ndime neJelemiya ayi,

Jelemiya 50:1 Referans Kwoze

2 Pita 1:21

Mukwiinga balaluki bakulukulu tebakalinga kwaamba shakaswa mukuyanda kwabo beene, sombi bakalinga kutanjililwa aMushimu Usalashi ndibakalinga kwaamba maswi akwe Lesa.

Milimo ya Batumwi 7:4

Mpamunyaawo Abulaamu wakashiya cishi ca Kaludeya akuya mukwikala kuAlani. Ono baishi ndibakafwa, Lesa wakamulonshesha mucishi cino ncemushiiteemo bulya.

Jelemiya 27:7

Mishobo ya bantu yoonse ilaakumusebensela akusebensela mwanaakwe amwishikulu wakwe kushikila ciindi cakukomwa kwa cishi cakwe. Paciindi ico mushobo wakwe ulaakunoosebensela mishobo iinji abamaami banene.

Isaya 23:13

Amubone mucishi ca Babiloni, taamu muntu nabi womwi. Bene Asilya mbobakaalula ndabala ya Taya kuba musena wa banyama ba muluyanga. Bakalaampya lubumbu lwakutantilaawo pakwiishinguluka. Mpeeke bakapalanganya shiyubilo sha njiyo akwiinyonyoola.

Isaya 14:4

Pabushiku aakucita boobo, bantu bakwe abakaweluluke mwaami wa Babiloni ayi, “Mwaami shilunkutwe walinga kwaalya sunu waaluba. Teshi akalyatililewo tubili muntu nabi womwi!

Jobo 1:17

Kacaamba uyo, aumwi wakapola akwaamba ayi, “Makoto otatwe a bene Kaludeya esa mukutulwana akubwesa ngamela shanu. Bacaya abasebenshi banu boonse. Ndime ndacicabo akwisa mukumulwiita shacitika.”

2 Samwelo 23:2

“Mushimu wa Mwaami Lesa ulaamba muli ndime, maswi akwe ncakwiila ngaaswa mumulomo wangu.

Matalikilo 11:31

Tela wakanyamuka amwanaakwe musankwa Abulamu, Loti mushikulu wakwe uyo wakalinga mwanaakwe Alani, Salai mulokashi wakwe uyo wakalinga muka Abulamu, akuya kuKenani kuswa mundabala inene ya Ulu mucishi ca Babiloniya. Bakaya amukushika kuAlani uko nkobakaya mukwikala.

Matalikilo 10:10

Pakutaanguna buleelo bwakwe bwakalinga kusenkanya Babiloni, Eleki, alimwi aAkadi, shoonse shotatwe kashili muBabiloniya.

Ciyubululo 14:8

Kwakaboneka aumwi munjelo wabili kaamba ayi, “Yawa, yawa ndabala inene ya Babiloni! Yakalengesha ayi bantu ba mishobo yoonse kunwa waini ukali wa bufuule bwa njiyo!”

Matalikilo 11:9

Ndabala inene iyo yakeetwa ayi Babiloni ceebo uko Mwaami Lesa wakafulunganya mulaka wa bantu boonse, alimwi nkuswa kooko nkwaakapalanganishisha bantu kuya mumbasu shoonse sha cishi ca panshi.

2 Baami 17:24

Mwaami wa bene Asilya wakabwesa bantu kuswa mundabala ya Babiloni, Kuta, Afa, Amati alimwi aya Sefafaimu akuya mukubabika mumandabala a mucishi ca Samaliya, kwaamba ayi baboolele pamusena wa bene Isilaeli. Lyalo bakabwesa mandabala ayo akwikalaamo.

Jelemiya 25:12

“ ‘Ono myaaka makumi osanwe aobilo yaakwiinda, ndaakupa mulandu mwaami wa bene Babiloni acishi ca Babiloni coonse ceebo ca kubisha kwabo. Ndaakunyonyoola cishi ico ayi cikabe matongo amuyayaya.

Danyelo 1:1

Mumwaaka watatu wa bwaami bwakwe Jeoiyakimu mwaami wa bene Juda, Nebukadinesa mwaami wa bene Babiloni wakaya mukulwana ndabala ya Jelusalemu akwiishinguluka.