Jelemiya 49:5 - Baibo Busansulushi Bwa Libuku Ili

⁵ Nebo neMwaami Lesa Shinkusu shoonse ndaakumuletela shiyoosha kuswa kumbasu shoonse. Noonsebo mulaakutandaanishikwa, cakwaamba ayi taakuuwo aweshi akabunganye tubili abo beshi bakacice.

Jelemiya 49:5 Referans Kwoze

Jelemiya 49:29

Matente amatanga ashifubwa abo shilaakutolwa, shisani shakushitilishisha matente shabo shilaakutolelwa pantu pomwi abuboni bwabo boonse alimwi angamela. Bantu balaakuboolobesha ayi, ‘Shiloondesha shilibo kumbasu shoonse!’ ”

Jelemiya 46:5

“Ino ndabonanshi? Baloonda, batooboolela muunshi. Bashilumamba babo bakomwa. Bacica cakufwambaana kutacebuka amwisule. Shiyoosha shili kumbasu shoonse. Nebo neMwaami Lesa ndaamba.

Amosi 4:3

Mulaakukwelelwa kucipense ca lubumbu ceshi cikanooli pafwaafwi akusowelwa pansengwe kulubasu lulangene aAlimoni. Nebo neMwaami Lesa ndaamba.”

Jelemiya 20:4

Ndacita boobo ceebo Mwaami Lesa waamba ayi, ‘Ndaakukulengesha kuba cintu cilensha boowa kuli ndiwe omwiine akubabyo boonse. Babyo balaakucaikwa munkondo kubalwani mumeenso ako. Ndaakwaaba bene Juda boonse mumaansa a mwaami wa kuBabiloni uyo weshi akabatole kuBabiloni nabi kubacaya munkondo.

Jelemiya 15:8

Ndaakulengesha bamukalubinje banu kufula kwiinda museese wa muloombe lwa lweenge. Lisuba kalili pakati ka mutwi, ndaakucaya bacikula bwangu basankwa akulengesha bamanyinawabo kupenga. Cakuteengashila ndaakubaletela buumba aboowa.

Isaya 16:3

Batokwaambila bene Juda ayi, “Amutulwiiteeko mbweshi tucite. Amutupeeko muyeeyo wakucita. Amutufuneeko bweenka cimfule mbocitontosha ciindi lisuba ndiliba pakati ka mutwi cilimo. Twacicila kokuno ayi mutushiseeko, mutatwaabi kubalwani besu.

Tushimpi 28:1

Bamucita shibi balacicabo nabi taakuuwo abatoobatandaanya, sombi baluleme mbayumu myoyo bweenka mbuli nkalamu.

Jobo 15:21

Matwi akwe ngeshi kunyumfwabo maswi ayoosha. Peenka mpaabonena ayi waba muluumuno, bapambi nkumutuula.

2 Baami 19:7

Kutika! Ndaakulengesha mwaami wa bene Asilya kukutika makani ayo eshi akamubooshe kumishaabo. Lyalo kweenka uko ndaakumucaisha kumupeeni.’ ”

Joshuwa 2:9

akubaambila ayi, “Ndishi ayi Mwaami Lesa wakamupa cishi cino. Boonse bantu bekala mucishi cino baliloondete abuumbi ceebo ca ndimwe.

Jelemiya 16:16

Mwaami Lesa waamba ayi, “Sombi bulya ntootuma beshikucaya nswi baanji kuya mukubacata. Kuswawaawo ndaakutuma bapalu baanji abo beshi bakese mukubafwima mumalundu oonse, mutulundu toonse alimwi amushimfwengo shili mumyaandami.

Malilo 4:15

Bantu baloolobesha ayi, “Kamuya kooko! Tamusalalite! Kamuya kooko! Kamuya kooko! Mutatucaati!” Na baya ciingaila bantu ba mumishobo balacaala kabaamba ayi, “Tabakoonshi kutolelela kwikala aswebo kuno!”

Jelemiya 6:25

Mutayi kumyuunda nabi kuya bweendeenda mumikwakwa ceebo balwani banu balicite mipeeni cakwaamba ayi koonse kutooloondesha.”