Jelemiya 49:35 - Baibo Busansulushi Bwa Libuku Ili

³⁵ “Ndaakucaya beshimata boonse bene Elamu abo balengesha cishi ca Edomu kuyuma abuumbi.

Jelemiya 49:35 Referans Kwoze

Isaya 22:6

Bene Elamu bapakata shipokolo sha mifwi amata alimwi akutanta pamaaki amushikoci sha nkondo. Abalo bene Kili babamba mayawo abo.

Jelemiya 51:56

Shikunyonyoola ulaakulwana Babiloni. Bashilumamba bene Babiloni balaakucatwa amata abo alaakutyoloolwa. Ceebo nebo neMwaami Lesa ndi Lesa uboosha cishole. Ncakwiila ndaakuboosha cishole kweelana ambobakacita.

Kulumbaisha 46:9

Ulamana nkondo mucishi ca panshi coonse. Ulatyoloola mata akunyonyoola masumo, alimwi ulatenta mayawo mumulilo.

Jelemiya 50:29

“Amwiite beshimata ayi balwane Babiloni, ee, boonse abo bawaala mifwi. Mushinguluke ndabala iyo. Mutaleeki nabi womwi ayi aloboke. Amwiilambule pamicito ya njiyo. Amwiicitile bweenka mboyakacitila bamwi mukwiinga wateteesha ndime neMwaami Lesa, Usalalite wa bene Isilaeli.

Jelemiya 50:14

“Amwiimikane mumisena yanu ya nkondo mushinguluke Babiloni noonse nobeshimata. Amuwaale mifwi yanu yoonse! Kutabi mifwi njeshi mushiyewo, ceebo bakabishisha nebo neMwaami Lesa.

Osiya 1:5

Mucinyika ca Jesiliilu ndaakunyonyoola nkusu shakulwana sha bene Isilaeli.”

Kulumbaisha 46:10

Lesa ulaamba ayi, “Amukale muluumuno akwishiba ayi nebo ndime Lesa, ulemekwa pakati ka mishobo yoonse, alimwi ulemekwa mucishi coonse ca panshi.”

Isaya 21:2

Ndakabona shintu shiyoosha mucili anga nciloto. Shikwaaba babye, kaabaaba alakwe shikusaala, kaasaala. Nobene Elamu amulwane! Nobene Mediya amushinguluke mandabala! Ndaakumanisha mapensho oonse bene Babiloni ngobakalengesha ayi acitike.