Jelemiya 49:29 - Baibo Busansulushi Bwa Libuku Ili

²⁹ Matente amatanga ashifubwa abo shilaakutolwa, shisani shakushitilishisha matente shabo shilaakutolelwa pantu pomwi abuboni bwabo boonse alimwi angamela. Bantu balaakuboolobesha ayi, ‘Shiloondesha shilibo kumbasu shoonse!’ ”

Jelemiya 49:29 Referans Kwoze

Jelemiya 46:5

“Ino ndabonanshi? Baloonda, batooboolela muunshi. Bashilumamba babo bakomwa. Bacica cakufwambaana kutacebuka amwisule. Shiyoosha shili kumbasu shoonse. Nebo neMwaami Lesa ndaamba.

Jelemiya 6:25

Mutayi kumyuunda nabi kuya bweendeenda mumikwakwa ceebo balwani banu balicite mipeeni cakwaamba ayi koonse kutooloondesha.”

Abakuku 3:7

Ndakabona bene Kushani kabaloonda alimwi abene Midyani kabatutuma.

Kulumbaisha 120:5

Mapensho kuli ndime ceebo ndishiite pakati ka bantu bali anga mba kuMesheki ncakwiila anga ndishiite pakati ka bene Keda.

2 Bene Kolinto 7:5

Ceebo nabi nditwakesa kuMakedoniya mibili yesu taikwe kookeshaawo, sombi twakalinga kupenshekwa mushiindi shoonse, kupikishanya abantu alimwi akulisukama mumyoyo.

2 Bene Kolinto 4:8

Tulapenshekwa munshila shiinji, sombi tatupwaiki. Cimwi ciindi tulatonsha, nakubi boobo tatutyongoli.

Jelemiya 49:24

Bene Damasikasi banyumfwa mumanungo mwatontola, basanduluka ayi bacice ceebo banyumfwa boowa. Myoyo yabo yacisa alimwi banyonwa mumala, ee, banyonwabo anga ngumwanakashi uli pankata.

Jelemiya 10:20

Matente esu anyonyoolwa antaambo sha ngawo shoonse shasutoolwa. Bana besu boonse batupalangana teshi tukababonewo tubili. Taaku awacaala weenga watupopelako matente alimwi nabi weenga watuyakilako shimpaka.”

Jelemiya 4:20

Mapensho ananootungenebo kalongo. Cishi coonse camana kunyonyoolwa. Matente angu anyonyoolwabo muciindi ciniini. Ayalo misumba yanyonyoolwabo cakufwambaana.

Isaya 60:7

Mbelele shoonse sha Keda alimwi aNebaiyoti shilaakuletwa kuli ndiwe ayi njimilambu pacipaililo cangu. Lyalo ndaakubotesha Ŋanda yangu ya bulemu.

Isaya 13:20

Taaku muntu nabi womwi weshi akekaleemo tubili. Taaku muAlabu shikwiingooka nabi womwi weshi akayakemo musumba alimwi taaku mweembeshi nabi womwi weshi akeembeleleemo mbelele shakwe umo.

Kulumbaisha 31:13

Ndanyuumfwa balwani baanji kabatepeta. Shiyoosha shilinshingulukite uku akooku. Balwani abo, batoopinga ndime, ee, batoopangana ayi bancaaye.

Jobo 1:3

Jobo wakalinga kufubite mbelele shili 7,000, ngamela shili 3,000, shipani sha ŋombe shili 500, mbongolo shili 500 alimwi abasebenshi baanji. Wakalinga mubile abuumbi pabantu bamwi boonse ba kwicwe.

Boomboloshi 8:26

Masikiyo a golodi ayo akalema makilogilamu ali 20 kutabikilako shakulibotesha shimwi, nshebakalinga kufwala munshingo ashisani shifubelafubela shakalinga kufwala bamaami ba kuMidyani nabi ntenshi shakalinga kufwala ngamela.

Boomboloshi 8:21

Mpeeke Seba aSalimuna bakamwaambila ayi, “Amunyamuke mwise mutucaaye mwebo nobeene nobanene.” Aboobo Gidyoni wakabacaya akubwesa shakalinga kufweete ngamela shabo munshingo.

Boomboloshi 7:12

Bene Midyani, bene Amaleki amishobo imwi yoonse yakwicwe bakalinga kubungene mucinyika kabali baanji anga ninsoshi. Bakalinga kucite ngamela shiinji mbuli museese wa muloombe lwa lweenge.

Boomboloshi 6:5

Bakalinga kuletelela shifubwa shabo amatente. Bakalinga baanji mbuli cisoshi cakwaamba ayi cakalinga ciyumu kubelenga bantu abo nabi kubelenga angamela shabo. Bakanyonyoola cishi ndibakesa.

Matalikilo 37:25

Ndibakalinga kulya, bakabonabo likoto lya bene Ishimaeli kabali pamushinso wakuswa kuGilyadi kuya kuIjipiti. Ngamela shabo shakalinga kuyumwite mashina a shisamu anunkila kabotu, misamu alimwi amule.

Jelemiya 49:5

Nebo neMwaami Lesa Shinkusu shoonse ndaakumuletela shiyoosha kuswa kumbasu shoonse. Noonsebo mulaakutandaanishikwa, cakwaamba ayi taakuuwo aweshi akabunganye tubili abo beshi bakacice.