Jelemiya 49:28 - Baibo Busansulushi Bwa Libuku Ili

²⁸ Pamukowa wakwe Keda ashipansha sha cishi cakalinga kweendeleshekwa aAsoli, isho Nebukadinesa mwaami wa bene Babiloni nshaakalwana, Mwaami Lesa utokwaamba ayi, “Amunyamuke, mulwane mukowa wakwe Keda akunyonyoola bantu bakwicwe.

Jelemiya 49:28 Referans Kwoze

Isaya 11:14

Sombi balaakunyumfwana akucatana pomwi kuya mukulwana bene Filisiti kumbo. Balaakusaala shishi sha kwicwe. Balaakukoma bene Edomu abene Moabu. Abalo bene Amoni balaakuba mumaansaabo.

Boomboloshi 6:3

Ono bene Isilaeli na bashangabo shishango shabo, bene Midyani, bene Amaleki alimwi abantu bakwicwe bakalinga kwisa mukubalwana.

Matalikilo 25:13

wakashala baana basankwa bakonkelene kweelana ambobakashalwa. Nkokwaamba ayi Nebayoti, Keda, Adibilu, Mibisamu,

Esekelo 27:21

“ ‘Bene Alebya abamaami boonse bene Keda bakalinga kuleta bana ba mbelele, mbelele shisankwa alimwi ampongo mukushintana amakwebo ako.

Jelemiya 49:14

Ndakanyumfwa nkombe yakaswa kuMwaami Lesa yakwaamba ayi, “Shikumwiimikaninako wakatumwa kumishobo ya bantu mukwaamba ayi, ‘Amulibungebunge mulwane bene Edomu! Amunyamuke muye kunkondo!’

Jelemiya 2:10

Amusubukile kwitala lya Mulonga wa Kitimu mubone. Amutume muntu kuKeda aye abonesheshe na camushobo uyu cakacitikawo kale.

Jelemiya 49:33

Asoli ulaakuba musena wa bamwaaba. Ulaakuba matongo kwalyoonse alyoonse. Taaku muntu weshi akekaaleko tubili. Nebo neMwaami Lesa ndaamba.”

Isaya 42:11

Oluyanga amandabala ako amumulumbaishe. Mwebo nobantu bene Keda amumulumbaishe! Amwebo momwikala mundabala inene ya Sela amoolobeshe ceebo cakusangalala ee, amoolobeshe peculu lya tulundu.

Isaya 21:13

Aya ngamaswi aamba pacishi ca Alebya. Nobene Dedani, mwebo nomucite milongo ya ngamela nomuyaka misumba muluyanga lwa Alebya,

Lwiimbo lwakwe Solomoni 1:5

Mwebo nobanakashi ba muJelusalemu, ndi mushiya, sombi ndi mubotu. Ee, ndashiya anga ngamatente ene Keda, nabi anga nshisani shakushitilisha muŋanda ya bwaami yakwe Solomoni.

Jobo 1:3

Jobo wakalinga kufubite mbelele shili 7,000, ngamela shili 3,000, shipani sha ŋombe shili 500, mbongolo shili 500 alimwi abasebenshi baanji. Wakalinga mubile abuumbi pabantu bamwi boonse ba kwicwe.

1 Makani 1:29

Bana bakwe Ishimaeli bakaba mbobamashali bakulukulu ba mikowa ili likumi ayobilo, nkokwaamba ayi, Nebaiyoti, liina ili lyakaswa kumwanaakwe Ishimaeli munenebantu musankwa, Keda, Adibiilu, Mibisamu,

Matalikilo 25:6

Nakubi boobo kaacili muumi baana ba bamakaakwe bamwi wakabapa shipo. Lyalo wakabatuma kucishi ca kwicwe kwaamba ayi bashiye Isaki mwanaakwe eenka,

Kulumbaisha 120:5

Mapensho kuli ndime ceebo ndishiite pakati ka bantu bali anga mba kuMesheki ncakwiila anga ndishiite pakati ka bene Keda.

Jelemiya 25:23

Ndakanwisha aba kuDedani, Tema, Busi aboonse abo bali mushishi sha kulaamfu,

Jelemiya 25:24

bamaami boonse ba kuAlebya aba baswamashi abo bekala muluyanga,