Jelemiya 49:22 - Baibo Busansulushi Bwa Libuku Ili

²² Amubone! Balwani babo balaakufupula Bosila anga ngumumbankwashi ufungulwite mapapaminwa akwe pacishi ico. Bushiku ubo myoyo ya bashilumamba bene Moabu ilaakubabo anga ngumoyo wa mwanakashi uli pankata.”

Jelemiya 49:22 Referans Kwoze

Osiya 8:1

Mwaami Lesa waamba ayi, “Amulishe mapeenga ankondo. Balwani besa mucishi cangu anga ngumumbankwashi ceebo bantu bangu bakapwaya cipangano alimwi baashukila milawo yangu.

Isaya 13:8

Ee, boowa bulaakubacata cankusu. Kucisa abuumba shilaakubasakata. Balaakunootongelabo anga ngumwanakashi ucite lifumo lyabuka. Balaakunoolangilishanya cakukankamana, shiwa kashilokete kunsoni.

Jelemiya 49:24

Bene Damasikasi banyumfwa mumanungo mwatontola, basanduluka ayi bacice ceebo banyumfwa boowa. Myoyo yabo yacisa alimwi banyonwa mumala, ee, banyonwabo anga ngumwanakashi uli pankata.

Jelemiya 30:6

Kutumana uyeeye. Sa musankwa inga watumbuka mwaana? Ino ceebonshi ndaboona musankwa uli woonse shinkusu kucatilila maansaakwe palifumo anga ngumwanakashi uli pankata? Ceebonshi shiwa shoonse shitooboneka kulisukama?

Jelemiya 6:24

Bene Jelusalemu baamba ayi, “Twakanyumfwa makani apali mbabo, aboobo maanseesu akatontola. Buumba bwatucata, tutoonyumfwabo anga ngumwanakashi uli pankata.

Jelemiya 4:13

Amubone, utoosabo anga ngamakumbi, shikoci shakwe sha nkondo shitoosa buulukabo anga nkapupuulwa aalo maaki akwe aleenda lubilo kwiinda bamumbankwashi. Mapensho kuli ndiswe! Ncakwiila twamanaawo!

Dutolonomi 28:49

Mwaami Lesa ulaakumuletela mushobo umwi kuswa kweela cishi uyo weshi ukese mukumulwana, acishobo cabo teshi mukanoocinyumfwaawo. Balaakwiindililabo kumufukukila anga ngumumbankwashi.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Danyelo 7:4

Mutaanshi wakalinga anga ninkalamu alimwi wakalinga kucite mapapaminwa anga ngumumbankwashi. Kaanceebela, mapapaminwa ayo akasutulwaako. Lyalo munyama wakanyamunwa akulengeshekwa kwiimikana anga ngumuntu. Mpomunyaawo wakapekwa kalango ka buntu.

Jelemiya 22:23

Mwebo nomushiite muŋanda ya bwaami, nomwikala muŋanda iyakitwe ashisamu sha sida shakaswa kuLebanoni, mulaakutongela mapensho aakumupolela, acisa anga nkunyonwa kwa mwanakashi uyo uli pankata!

Jelemiya 13:21

Ino mulaakwaamba ayinshi Mwaami Lesa aakulengesha baabo mbomwakalinga kuyeeya ayi mbabyaanu kumweendelesha? Sa te mulaakunyonwabo anga ngumwanakashi uli pankata?

Jelemiya 4:31

Ntoonyumfwa mubila anga ngumwanakashi uli pankata. Ntoonyumfwa kutongela anga nkwa mwanakashi utootumbuka mwaana wakwiiya. Anu kwakalinga nkulila kwa ndabala ya Jelusalemu itoofoomashika akusenga lucafwo mukwaamba ayi, “Maawe ndawisuka, buumi bwangu bwaabwa mumaansa a bacayi!”

Isaya 26:17

Swebo pameenso anu noBaami baLesa twakalinga kunoolilabo akunyongoloka anga ngumwanakashi utooyanda kutumbuka.

Isaya 21:3

Paceebo ceeci, shintu nshendakabona akunyumfwa shanenga boowa abuumbi. Mubili wangu waana kukucisa, kucisa kuli anga nkwa mwanakashi utooyanda kutumbuka. Ndatutuma kusheesho nsheenyumfwa. Ncakwiila nsheentoobona shapensha moyo wangu abuumbi.

Kulumbaisha 18:5

Lufu lwakalinga kumbelamina, Ee, cuumbwe cakalingabo muliimfwa.

Tushimpi 30:19

Shintu isho nkuuluka kwa nkwashi mwiculu, kweenda kwa nsoka pamwaandami, kweenda kwa bwaato palweenge amusankwa mbwaasuna mwanakashi.

Isaya 11:14

Sombi balaakunyumfwana akucatana pomwi kuya mukulwana bene Filisiti kumbo. Balaakusaala shishi sha kwicwe. Balaakukoma bene Edomu abene Moabu. Abalo bene Amoni balaakuba mumaansaabo.

Jelemiya 50:36

Bacaikwe amupeeni balaluki bamumo babeshi! Baba baluya! Bacaikwe amupeeni bashilumamba ba mumo! Ncakwiila baliloondete abuumbi.

Obadiya 1:9

Bashilumamba banu ba mucishi ca Temani balaakuloonda abuumbi, abantu boonse ba mumalundu a Esau balaakucaikwa.

Jelemiya 50:43

Mwaami wa bene Babiloni wanyumfwa makani apali mbabo, aboobo maansaakwe atontola. Buumba bwamucata, utoonyumfwabo anga ngumwanakashi uli pankata.