Jelemiya 48:33 - Baibo Busansulushi Bwa Libuku Ili

³³ Kusangalala akukondwa kwakushikwaamo mucishi cicite bulongo bubotu ca Moabu. Ndakakasha waini kuswa mushilindi shakutyaninamo minyansa. Taaku nabi womwi ushikutyana minyansa woolobesha cakusangalala. Nakubi kwaamba ayi kuli koolobesha, teshi koolobesha kwakusangalala, sobwe.

Jelemiya 48:33 Referans Kwoze

Agayi 2:16

na umwi waya kumulwi wa shili anga ngamaila kaayeeya kucanaako makilogilamu ali 200, wakalinga kucanaakobo makilogilamu ali 100. Na umwi waya mukutekula waini kaayeeya kucanaako malita ali 100, wakalinga kucanaakobo malita ali 40.

Isaya 5:10

Ceebo muunda wa minyansa ukwana maekele likumi ulaakukushabo malita osanwe aotatwe a waini. Pashangwa malita ali 180 a mbuto, pakutebula nkusushabo malita ali 18 a shili anga ngamaila.”

Jowelo 1:16

Amubone shakulya shanyonyoolwa kutulangilisha ameenso esu. Kusangalala akukondwa shamana muŊanda yakwe Lesa?

Jowelo 1:5

Amubuke mulile mwebo nobacakolwa! Amulile mwebo nobeshikunwa waini mukwiinga minyansa yakupangisha waini upya, yanyonyoolwa cakumaninina.

Isaya 9:3

NoBaami baLesa, mushobo wa bantu banu mwaufusha, Kusangalala kwa bantu banu mwakufusha. Balasangalala pameenso anu bweenka bantu mbobasangalala pakutebula. Ee, bweenka mbobasangalala basankwa pakubaana shakasaalwa.

Isaya 7:23

“Munshiku isho mumusena woonse umo mwakalinga minyansa ili cuulu ikonsha kuulwa maali a silifa ali cuulu, mulaakubabo myuumfwa ashisonsoonya.

Amosi 5:17

Mumyuunda ya minyansa moonse mulaakuba kulila mukwiinga ndaakwisa mukumupa mulandu. Nebo neMwaami Lesa ndaamba.”