Jelemiya 46:8 - Baibo Busansulushi Bwa Libuku Ili

⁸ Mbene Ijipiti batoonyamuka anga nguMulonga wa Nailo ee, anga ngumulonga utoosefuka. Bene Ijipiti baamba ayi, ‘Tulaakunyamuka akufwekelesha cishi coonse ca panshi. Tulaakunyonyoola mandabala abantu bekalaamo.’

Jelemiya 46:8 Referans Kwoze

Esekelo 32:2

“Webo omuntu, imba lwiimbo lwa buumba kulilila Falawo mwaami wa Ijipiti ayi, ‘Webo ulibo anga ninkalamu pakati ka mishobo imwi, ulibo anga ngushinshimwe mulweenge, shinshimwe usamfoola maanshi mutulonga twakwe. Ulafundaanya maanshi amyeendo yako akulengesha tulonga kuba matipa.’

Esekelo 29:3

Umulwiite ayi nebo neMwaami Lesa Shinkusu shoonse ndaamba ayi, ‘Webo Falawo mwaami wa bene Ijipiti, nebo ntooyanda kukulwana, ee, kulwana ndiwe oshinshimwe ukala mumulonga wako. Ulaamba ayi Mulonga wa Nailo ngwaako alimwi ayi ndiwe wakoopanga omwiine.

Danyelo 11:10

“Baana basankwa ba mwaami wa bene Silya balaakulibambila kuya kunkondo akubunganya likoto lya bashilumamba linene. Likoto lya bashilumamba ilyo lilaakunyonyoola cakupyanga anga ngamaanshi asefuka atakoonshi kushinkilwa. Lilaakushika akuciyubilo ca bulelo bwa bene Ijipiti.

Amosi 8:8

“Cishi cilaakuntenkaana ceebo ca mulandu uyu. Abalo bantu boonse bekalaamo balaakulila. Cishi coonse cilaakuyalookabo anga ngamaanshi a muMulonga wa Nailo. Ncakwiila cilaakuyalooka akuboola panshi anga ngamaanshi a mumulonga wine Ijipiti.